აღმოსავლეთ ევროპის უნივერსიტეტის განათლების მეცნიერებების ფაკულტეტი 2025 წლის 18 იანვარს მართავს კურსდამთავრებულთა და სტუდენტთა ყოველწლიურ ერთობლივ რიგით მეორე კონფერენციასა და პროფესიული განვითარების დღეს.
კონფერენციის მიზანს წარმოადგენს კურსდამთავრებულთა და სტუდენტთა პრაქტიკული და კვლევითი გამოცდილების ურთიერთგაზიარება, სამეცნიერო საქმიანობაში ერთობლივი ჩართულობის სტიმულირება, განათლების სფეროში არსებული ძირითადი პრობლემატიკის იდენტიფიცირება, მათი გადაჭრის ინოვაციური გზების ძიება და პროფესიული განვითარების ხელშეწყობა;
კონფერენცია ასევე უმასპინძლებს დასაქმების ფორუმს, რომელშიც მონაწილეობას მიიღებენ უნივერსიტეტის პარტნიორი საგანმანათლებლო დაწესებულებები.
ვიწვევთ ყველას გაგვიზიაროს საკუთარი პრაქტიკული გამოცდილება და უახლესი კვლევები განათლების აქტუალურ საკითხებზე;
კონფერენციის სამუშაო ენა: ქართული;
რეგლამენტი: მოხსენება – 15 წთ; კითხვა-პასუხი – 5 წთ.;
კონფერენციის ფორმატი: პირისპირ
კონფერენციაში მონაწილეობა შეუძლიათ აღმოსავლეთ ევროპის უნივერსიტეტის განათლების მიმართულების სტუდენტებსა და კურსდამთავრებულებს; მონაწილეობის მსურველებს შეუძლიათ საკონფერენციო თემები წარმოადგინონ ერთობლივად (სტუდენტები, სტუდენტები და კურსდამთავრებულები) ან ინდივიდუალურად. კონფერენციის პირველ სესიას გახსნიან EEU-ს პარტნიორი ორგანიზაციებიდან მთავარი მომხსენებლები.
კონფერენციის საორიენტაციო თემატიკა მოიცავს შემდეგ საკითხებს:
- სკოლამდელი, ზოგადი, პროფესიული და უმაღლეს განათლების თანამედროვე პრობლემები
- განათლების ხარისხის მართვა
- სწავლება-სწავლა
- უწყვეტი განათლება
- სხვა (თემატიკის ჩამონათვალი საორიენტაციოა და შესაძლებელია, წარმოდგენილ იქნეს მოხსენება განათლების ნებისმიერ სხვა აქტუალურ საკითხზე)