აღმოსავლეთ ევროპის უნივერსიტეტის 2020-2021 სასწავლო წლის სამეცნიერო გრანტების კონკურსის დასკვნით ეტაპზე, საგრანტო კომისიის გადაწყვეტილებით, გადავიდა 5 საგრანტო პროექტი:
- პროექტი: ,,მძიმე მეტალებით ეკოსისტემის დაბინძურებასთან დაკავშირებული მოსახლეობის ინტოქსიკაციის და ონკოლოგიური დაავადებების რისკების შეფასება”
პროექტის ხელმძღვანელი: თამარ ვარაზი
- პროექტი: ,,ურთიერთობებისა და სექსუალური განათლების განვითარება უმაღლეს სასწავლებლებში: აკადემიური პერსონალისა და პრაქტიკოსთა მოსაზრებების კვლევა საქართველოში“
პროექტის ხელმძღვანელი: კახაბერ ლაზარაშვილი;
- პროექტი: „ცოდნის ეკონომიკის ცვლილებები და მომავლის საბაზო კომპეტენციების მოდელები“
პროექტის ხელმძღვანელი: ლილი ბიბილაშილი;
- პროექტი: ,,საქართველოს ეროვნული ნარატივის მშენებლობა ქვეყნის ევროატლანტიკური ინტეგრაციის გზაზე“
პროექტის ხელმძღვანელი: ლევან მახაშვილი;
- პროექტი: ,,მდინარე ისტორიულ ქალაქში, როგორც ტურისტული ინფრასტრუქტურის განმსაზღვრელი. ახალი რეალიები“
პროექტის ხელმძღვანელი: გიორგი გიორგაძე
საგრანტო კომისიამ წარმოდგენილი პროექტები 2020-2021 სასწავლო წლის სამეცნიერო გრანტების კონკურსის პირობებისა და უნივერსიტეტის სამეცნიერო-კვლევითი პროექტების დაფინანსების წესის შესაბამისად შეაფასა.
საგრანტო კომისიის გადაწყვეტილებით კონკურსში გამარჯვებულად გამოვლინდა თამარ ვარაზის ხელმძღვანელობით წარმოდგენილი პროექტი, რომელიც დაფინანსდება 25 ათასი ლარით.
დარჩენილ ოთხ პროექტთან მიმართებით დადგინდა გარკვეული ხარვეზები, შემუშავდა შესაბამისი რეკომენდაციები და ხარვეზების აღმოსაფხვრელად და რეკომენდაციების შესასრულებლად პროექტის ხელმძღვანელებს განესაზღვრათ ვადა 2021 წლის 23 მარტის ჩათვლით. დადგენილ ვადაში ხარვეზების აღმოფხვრის შემთხვევაში თითოეული მათგანი 20 000 (ოცი ათასი) ლარით დაფინანსდება.