კვლევითი ერთეულის პერსონალი

ბელა თინიკაშვილი (მკვლევარი)    

არქიტექტურის დოქტორი;
მიმართულება: არქიტექტურა;
საქართველოს არქიტექტორთა კავშირის წევრი.

ბელა თინიკაშვილი არის საქართველოს არქიტექტორტთა კავშირის გამგეობის წევრი,  აღმოსავლეთ ევროპის უნივერსიტეტის არქიტექტურის საბაკალავრო პროგრამის ხელმძღვანელი. აქტიურად ეწევა პედაგოგიურ და პროფესიულ საქმიანობას. გასულ წლებში იყო  სამშენებლო კომპანიების –  ,,სევენ სკაი’’,  ააიპ ,,ინჟინრული აზრი’’, არქიტექტურული საპროექტო კომპანიების –  ,,მოდულიონი’’ და  ,,ხური XXI’’-ის არქიტექტორი.

ბელა თინიკაშვილს გამოქვეყნებული აქვს არაერთი სამეცნიერო ნაშრომი. არის ადგილობრივი და საერთაშორისო კონფერენციების მონაწილე, მათ შორის ამერიკისმცოდნეობის ყოველწლიური საერთაშორისო კონფერენციების. მისი ინტერესის სფეროა: ეკოლოგიური არქიტექტურა და განახლებადი ენერგიების გამოყენება არქიტექტურაში.

რევაზ ხასია (მკვლევარი)  

მიმართულება: არქიტექტურა.

რევაზ ხასიას აქვს მრავალწლიანი პროფესიული და პედაგოგიური საქმიანობის გამოცდილება. ის არის სსიპ-განათლების ხარისხის განვითარების ეროვნული ცენტრის მიერ გამოცემული არქიტექტორ-ტექნიკოსის სახელმძღვანელოს თანაავტორი. აქტიურად მონაწილეობს სხვადასხვა პროექტებში, არქიტექტურულ – შემოქმედებით კონკურსებში, გამოფენებსა და სიმპოზიუმებში. მას მიღებული აქვს I პრიზი – საერთაშორისო გამოფენა-კონკურსში  “ოლიმპიადა“, გრანპრი ქანდაკებაში – საერთაშორისო გამოფენა “ცისფერი “გალერეა, სამგზის I პრიზი საერთაშორისო საშობაო ფესტივალი “ცისფერი“ გალერეა, გრანპრი -ნამუშევარი “მუზა” სკულპტურის საერთაშორისო სიმპოზიუმში (ქ.ნადიოტადი, უნგრეთი). ქართული სახვითი ხელოვნების განვითარებაში წვლილისთვის მას მიენიჭა საქართველოს დამსახურებული მხატვრის საპატიო წოდება. ის წლების განმავლობაში საქართველოს სხვადასხვა უმაღლეს საგანმანათლებლო დაწესებულებებში ეწეოდა პედაგოგიურ საქმიანობას.

მერაბ ბოლქვაძე (მკვლევარი)  

არქიტექტურის დოქტორი;
მიმართულება: არქიტექტურა;
ააიპ სითი ინსტიტუტი საქართველოს დირექტორი,

მერაბ ბოლქვაძე  არის ააიპ ,,სითი ინსტიტუტი საქართველოს“ დირექტორი. მას აქვს მრავალწლიანი პედაგოგიური და პროფესიული საქმიანობის გამოცდილება. წლების განმავლობაში იყო „თბილქალაქპროექტის“ ქალაქგეგმარების სამმართველოს თბილისის დაგეგმარების განყოფილების უფროსი. სხვადასხვა წლებში ეწეოდა პედაგოგიურ საქმიანობას საქართველოს საგანმანათლებლო დაწესებულებებში.

მერაბ ბოლქვაძე წლების განმავლობაში ეწევა სამეცნიერო-კვლევით საქმიანობას არქიტექტურის მიმართულებით. შესრულებული აქვს ქალაქების: ზუგდიდისა და მცხეთის მიწათსარგებლობის გენერალური გეგმების პროექტები. არაერთი განაშენიანების რეგულირების გეგმისა და ცალკეული კომპლექსების პროექტები, რომელთა დიდი ნაწილი განხორციელებულია. სხვადასხვა წლებში იყო საერთაშორისო და საქართველოს არქიტექტორთა კავშირის არაერთი კონკურსის გამარჯვებული. ის არის თბილისის ამჟამინდელი მიწათსარგებლობის გენერალური გეგმის ავტორი.