„მედიის გავლენა საინფორმაციო სივრცის ეკოლოგიაზე“ -„ლაბორატორია Z“

🔻აღმოსავლეთ ევროპის უნივერსიტეტის ბაზაზე არსებული „ლაბორატორია Z“ – ის კვლევის – „მედიის გავლენა საინფორმაციო სივრცის ეკოლოგიაზე“ პრეზენტაცია აზროვნების აკადემიაში გაიმართა. კვლევის შედეგად გამოვლინდა საინფორმაციო სივრცის გავლენა ადამიანის ფსიქო-ფიზიკურ ჯანმრთელობაზე.

✔️კვლევის ფარგლებში საქართველოს მასშტაბით ხუთი ტელეარხის კონტენტ-ანალიზი ჩატარდა:
 TV იმედი,
 TV პირველი,
 რუსთავი 2,
 მთავარი არხი,
 საქართველოს საზოგადოებრივი მაუწყებელი.

🔻აღნიშნული ტელეარხების კვლევის პერიოდი მოიცავდა პერიოდს 2019 წლის 1 ოქტომბრიდან 10 ნოემბრის ჩათვლით. კონტენტ-ანალიზის შედეგად გამოვლინდა, რომ ახალ ამბებში გადმოცემული ინფორმაციის 63% ნეგატიურია, 24% – ნეიტრალური, ხოლო 13% – პოზიტიური. სოციალურ ქსელში გავრცელებული ინფორმაციის რაოდენობის მიხედვით აღმოჩნდა, რომ უფრო დიდი ინტენსივობით ნეგატიური სიუჟეტები ვრცელდება.

✔️აღმოსავლეთ ევროპის უნივერსიტეტის “ლაბორატორია Z”-ის მიერ კვლევა,ზოგადი ტენდენციის გამოსავლენად ჩატარდა ონლაინ გამოკითხვა და გამოკითხული 300 ადამიანის პასუხების შედეგად აღმოჩნდა, რომ 38% საერთოდ არ უყურებს სატელევიზიო ახალი ამბების გადაცემებს, ამის მიზეზად კი, ჭარბი უარყოფითი ინფორმაცია დასახელდა. კვლევის შედეგები წარმოადგინეს ფსიქოლოგებმა, აღმოსავლეთ ევროპის უნივერსიტეტის ასოცირებულმა პროფესორმა ზურაბ მხეიძემ და ლაბორატორია ,,z”-ის თანახელმძღვანელმა მარიამ კვარაცხელიამ. გაანალიზების შედეგად მიღებულ იქნა სტრესის გამომწვევი კონტენტი, რომელიც ადამიანებს სხვადასხვა ფსიქო-ფიზიკური დაავადებების მიმართ მოწყვლადს ხდის.

„მედიის გავლენა საინფორმაციო სივრცის ეკოლოგიაზე“ -„ლაბორატორია Z“ – ის მიერ ჩატარებული კვლევის პრეზენტაცია!

სწრაფი ბმულები

კონტაქტი