ევროპის კოლეჯი ევროკავშირის სამეზობლო პოლიტიკის ქვეყნების სტუდენტებსა და კურსდამთავრებულებს სთავაზობს სტიპენდიებს 2021-2022 წლის სამაგისტრო პროგრამებზე ვარშავასა (პოლონეთი) და ბრიუგეში (ბელგია). დღესდღეობით, ევროპის კოლეჯი წარმოადგენს ერთ-ერთ ყველაზე პრესტიჟულ უმაღლეს სასწავლებელს ევროპათმცოდნეობის მიმართულებით. მისი მთავარი მიზანია ხელი შეუწყოს ევროპული ინტეგრაციის აკადემიურ დონეზე შესწავლასა და ევროპის მომავალ ლიდერთა გადამზადებას. ევროპის კოლეჯი სტუდენტებს სთავაზობს სხვადასხვა პროგრამებს ევროპათმცოდნეობის მიმართულებით:
ნატოლინის კამპუსი (ვარშავა)
ევროპათმცოდნეობის ინტერდისციპლინარული პროგრამა
ბრიუგეს (ბელგია) კამპუსი:
- ევროკავშირის საერთაშორისო ურთიერთობები და დიპლომატია
- ევროპული პოლიტიკური და ადმინისტრაციული სწავლება
- ევროკავშირის ეკონომიკა
- ევროკავშირის სამართალი
სტიპენდია მოიცავს:
სწავლების სრული საფასური, სტუდენტური საცხოვრებელი, კვება, ორმხრივი საერთაშორისო მგზავრობა.
აპლიკანტი უნდა ფლობდეს ინგლისურ (მაღალ დონეზე) და ფრანგულ (საშუალო დონეზე) ენებს.
განაცხადის შეტანის ბოლო ვადაა 2021 წლის 13 იანვარი.
დეტალური ინფორმაცია პროგრამისა და სააპლიკაციო პროცედურების შესახებ იხილეთ ვებ-გვერდზე: