დავით ჩერქეზიშვილი (ასოცირებული პროფესორი)    

ბიზნესის ადმინისტრირების დოქტორი;
მიმართულება: მენეჯმენტი
აღმოსავლეთ ევროპის უნივერსიტეტის რექტორი.

დავით ჩერქეზიშვილი არის აღმოსავლეთ ევროპის უნივერსიტეტის რექტორი.  მას აქვს მენეჯმენტის სფეროში საქმიანობის მრავალწლიანი პროფესიული გამოცდილება, მათ შორის განათლების ადმინისტრირების მიმართულებით. ის სხვადასხვა წლებში იყო ივ. ჯავახიშვილის სახელობის თბილისის სახელმწიფო უნივერსიტეტში დეპარტამენტის უფროსი, ნ. ყიფშიძის სახელობის პირველი საუნივერსიტეტო კლინიკის გენერალური დირექტორის მოადგილე, რეფერალური საავადმყოფოს დირექტორი, სს ,,Park Place” პროექტების მენეჯერი, ენერგეტიკის სექტორში სხვადასხვა რაიონული ცენტრის მენეჯერი. დღემდე არის აღმოსავლეთ ევროპის უნივერსიტეტის დამფუძნებელი/პარტნიორი, საქართველოს ბიბლიოთეკების ინტეგრირებული ქსელის კონსორციუმის (GILISC) სამეთვალყურეო საბჭოს თავმჯდომარე, ფლობს ბიზნესის ადმინისტრირების დოქტორის და სამართლის მაგისტრის აკადემიურ ხარისხებს.

დავით ჩერქეზიშვილი აქტიურად ეწევა სამეცნიერო-კვლევით საქმიანობას, არის ერთი მონოგრაფიის, ათზე მეტი საერთაშორისო და ადგილობრივი პუბლიკაციის ავტორი, არაერთი ადგილობრივი და საერთაშორისო სამეცნიერო კონფერენციის მომხსენებელი და მოდერატორი, კვლევითი და სოციალურ-საგანმანათლებლო პროექტების ორგანიზატორი. არის ვარშავის ჰუმანიტარული უნივერსიტეტის საპატიო დოქტორი და სამეცნიერო ჟურნალების: ,,The New Economist”(Georgia) და  ,,Collection of Scientific Papers” სარედაქციო კოლეგიის წევრი. მის ძირითად კვლევით სფეროებს წარმოადგენს განათლების მენეჯმენტისა და ბიზნესის ადმინისტრირების მიმართულებები.