სიტყვა „ომბუდსმენი” მომდინარეობს სკანდინავიური სიტყვიდან „ომბუდ” რაც ნიშნავს ელჩს, დელეგატს ან წარგზავნილს. ის აღნიშნავს პიროვნებას, რომელიც განიხილავს გარკვეული ჯგუფისაგან მიღებულ საჩივრებს, ლაპარაკობს ამ ჯგუფის სახელით და ცდილობს, გააუმჯობესოს პირობები ჯგუფის წევრებისათვის/ მთლიანად ჯგუფისათვის
რატომ არის მნიშვნელოვანი უნივერსიტეტში სტუდენტური ომბუდსმენის ოფისის არსებობა?
სტუდენტური ომბუდსმენის ოფისი არის კონფიდენციალური, მიუკერძოებელი, დამოუკიდებელი და არაფორმალური სტუდენტური რესურსი, სერვისი და ავსებს ფორმალურ პროცესებს. ომბუდსმენის ოფისი უნივერსიტეტის ადმინისტრაციას ეხმარება დაინახოს, სად შეიძლება იყოს გაურკვეველი ან გასაუმჯობესებელი პროცესები. ომბუდსმენის ოფისი ასევე აკვირდება სტუდენტთა პრობლემების ტენდენციებს და შეუძლია, რექტორს შესთავაზოს რჩევები/რეკომენდაციები და დროული ანალიზი პრობლემების ტენდენციებთან დაკავშირებით.
ომბუდსმენს შეუძლია ხელი შეუწყოს კონფლიქტების დროულ იდენტიფიცირებას და მის გადაჭრას, სანამ ის გამწვავდება. ომბუდსმენი ხელს უწყობს ეფექტიან კომუნიკაციას წარმოქმნილ კონფლიქტურ სიტუაციაში და ასრულებს მედიატორის (შუამავლის) როლს.
ვის შეუძლია მიმართოს სტუდენტური ომბუდსმენის ოფისს?
სტუდენტური ომბუდსმენის ოფისი შექმნილია აღმოსავლეთ ევროპის უნივერსიტეტის სტუდენტებისთვის და შეგიძლიათ, მიმართონ ომბუდსმენს, როდესაც არ იცით ვის მიმართოთ არსებულ პრობლემასთან დაკავშირებით, გსურთ მიიღოთ რჩევა/კონსულტაცია სტუდენტის უფლებებისა და თავისუფლებების შესახებ; ასევე, გჭირდებათ ნეიტრალური და მიუკერძოებელი პირის აზრი, მასთან პრობლემის განხილვა და რჩევა/დახმარება შემდგომ ნაბიჯებთან დაკავშირებით;
როგორ შემიძლია დავნიშნო პირისპირ/ონლიან შეხვედრა ომბუდსმენთან?
ომბუდსმენთან შეხვედრის დანიშვნისთვის შეგიძლიათ, დაგვიკავშირდეთ ტელეფონით, ელ-ფოსტით ან MS Teams-ის მეშვეობით.
შეგიძლიათ, დარეკოთ ცხელ ხაზზე 032 2 48 01 41 ან მოგვწეროთ ელ-ფოსტაზე: student.ombudsman@eeu.edu.ge , ან შეავსოთ ელექტრონული განცხადების ფორმა: https://eeu.edu.ge/portfolio/25173/
ასევე, შეგიძლიათ დარეკოთ MS Teams-ის ჩატში student.ombudsman@eeu.edu.ge მისამართზე და დატოვოთ ხმოვანი შეტყობინება. Teams-ში ხმოვანი შეტყობინების დატოვებისას მიუთითეთ თქვენი სახელი, გვარი, ტელეფონის ნომერი (ინსტრუქცია იხილეთ ბმულზე: ///) .
რა ტიპის საკითხებში შეუძლია გამიწიოს კონსულტაცია/დახმაება ომბუდსმენმა?
სტუდენტების ინტერესების, უფლებებისა და თავისუფლებების დაცვის, ადმინისტრაციული და აკადემიური საკითხების შესახებ საკამათო დავები
რა არის ომბუდსმენის ფუნქცია?
-
- მოისმინოს სტუდენტის პრობლემები უფლებებისა და თავისუფლებების დარღვევის ან შეზღუდვის ფაქტებთან დაკავშირებით
- დაგეხმაროთ პრობლემის გააანალიზებაში და შეიმუშავოს მისი გადაჭრის გზები;
- წარმოქმნილ კონფლიქტურ ურთიერთობებში მხარეებს შორის შეასრულოს მედიატორის (შუამავლის) როლი და ხელი შეუწყოს ეფექტურ კომუნიკაციას;
- დაიცვას სტუდენტთა უფლებები და თავისუფლებები;
- გიშუამდგომლოთ უნივერსიტეტის შესაბამისი სტრუქტურული ერთეულისგან ინფორმაციის მიღებასა და დეტალების გარკვევაში;
- სტუდენტებს გააცნოს მათი უფლებები და მოვალეობები (მათ შორის განუმარტავს აპელაციის პროცედურები);
- კონკრეტული სიტუაციიდან გამომდინარე მოგაწოდოთ ინფორმაცია უნივერსიტეტში არსებულ შესაბამის პროცედურებსა და რეგულაციებზე;
რისი უფლება არ აქვს ომბუდსმენს?
- გაამჟღავნოს საიდუმლო და კონფიდენციალურად აღიარებული ინფორმაცია;
- შეცვალოს უნივერსიტეტში მოქმედი წესები/სამართლებრივი აქტები;
- შეითავსოს უნივერსიტეტის სხვა თანამშრომელთა ფუნქციები, რამაც შეიძლება შეუშალოს ხელი კონფლიქტის დროს ნეიტრალური პოზიციის შენარჩუნებაში;
- გასწიოს იურიდიული კონსულტაცია (გითვალისწინეთ, რომ ომბუდსმენი არ არის ადვოკატი ის გეხმარებათ/შუამავალია/მედიატორი და არ წყვეტს ვინ არის მართალი ან მტყუანი)
როგორ დავუკავშირდე ომბუდსმენის ოფისს?
ომბუდსმენის ოფისს შეგიძლიათ, მიმართოთ პირადად ან დაგვიკავშირდეთ ტელეფონზე, მოგვწეროთ ელ-ფოსტაზე, ან შეავსოთ საკონტაქტო ფორმა.
გაითვალისწინეთ, რომ COVID 19 გავრცელების პრევენციის მიზნით დაწესებული შეზღუდვების პირობებში ომბუდსმენის ოფისი გადასულია სრულად დისტანციურ მომსახურებაზე. დისტანციურად ონლაინ შეხვედრა შესაძლებელია MS TEAMS პლატფორმის მეშვეობით.
მისამართი: თბილისი, შატილის ქ. 4, სართული 2, ოთახი 19
ტელეფონი: 032 2 48 01 41
ელ-ფოსტა: student.ombudsman@eeu.edu.ge
საკონტაქტო ფორმა: https://eeu.edu.ge/portfolio/25173/