დავით შალამბერიძე (პროფესორი)
მედიცინის დოქტორი
მიმართულება: მედიცინა, ნეიროქირურგია;
დავით შალამბერიძე ხელმძღვანელობს ღია გულის საუნივერსიტეტო ჰოსპიტალის ნეიროქირურგიის განყოფილებას. დავითს აქვს ჰოხზაუერლენდის (გერმანია) ნეიროქირურგიულ კლინიკაში უფროს ექიმად მუშაობის მრავალწლიანი გამოცდილება.
იგი წარმატებით ახორციელებს თავის და ზურგის ტვინის რთულ ოპერაციებს, ფლობს თანამედროვე მიკროქირურგიის ტექნიკებს.
დავითს აქვს პედაგოგიური მუშაობის მრავალწლიანი გამოცდილება გერმანიის უნივერსიტეტის სამედიცინო ფაკულტეტიდან. 2024 წლიდან დღემდე არის აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტის პროფესორი.
დავით შალამბერიძე მრავალი წლის განმავლობაში ასევე აქტიურად ეწევა სამეცნიერო-კვლევით საქმიანობას. მისი კვლევითი ინტერესები მოიცავს ნეიროქირურგიისა და ხერხემლის ქირურგიის თანამედროვე მიდგომებს. ის არის ადგილობრივი და საერთაშორისო სამეცნიერო ნაშრომების ავტორი და თანაავტორი, მონაწილეობს საერთაშორისო სამედიცინო კონფერენციებსა და ვორკშოპებში, სადაც რეგულარულად წარმოადგენს საკუთარ კლინიკურ და კვლევით შედეგებს. მისი საქმიანობა მიმართულია როგორც პრაქტიკული ქირურგიული გამოცდილების გაზიარებაზე, ისე ინოვაციური სამედიცინო ტექნოლოგიების დანერგვაზე.
