ნათია დაღელიშვილი (ასოცირებული პროფესორი)  

ბიზნესის ადმინისტრირების დოქტორი;
მიმართულება: მარკეტინგი;
კავკასიის ეკონომიკური და სოციალური კვლევითი ინსტიტუტი (CIESR)-ის აღმასრულებელი დირექტორი.

ნათია დაღელიშვილი არის კავკასიის ეკონომიკური და სოციალური კვლევითი ინსტიტუტის (CIESR) აღმასრულებელი დირექტორი. ის აქტიურად ეწევა პედაგოგიურ და პროფესიულ საქმიანობას. გასულ წლებში მას ეკავა საქართველოს პოლიტიკის ინსტიტუტის პროექტის ოფიცრის და კონსულტანტის პოზიცია, კავკასიის ეკონომიკური და სოციალური კვლევითი ინსტიტუტის (CIESR) პროექტების მენეჯერის, საქართველოს ახალგაზრდა ეკონომისტთა ასოციაციის (AYEG) ეკონომიკური განათლების პროგრამის კოორდინატორისა და ტრენერის პოზიცია. წლების განმავლობაში ეწეოდა პედაგოგიურ საქმიანობას საქართველოს უმაღლესი განათლების დაწესებულებებში.

ნათია დაღელიშვილი აქტიურად ეწევა სამეცნიერო-კვლევით საქმიანობას. არის ავტორი არაერთი ადგილობრივი და საერთაშორისო სამეცნიერო ნაშრომის ეკონომიკისა და ბიზნესის საკითხებზე. ის აქტიურად მონაწილეობს ადგილობრივ და საერთაშორისო სამეცნიერო კონფერენციებში, სხვადასხვა საგანმანათლებლო პროექტებში – ექსპერტის, ტრენერის და პროექტის მენეჯერის სტატუსით.  გავლილი აქვს სხვადასხვა სახის პროფესიული განვითარების პროგრამები და  ტრენინგები ადგილობრივ და საერთაშირისო ორგანიზაციებში.