ინგლისურის ენის მასწავლებელი
ეკონომიკის მაგისტრი
ნადია ცხოვრებაშვილს აღმოსავლეთ ევროპის უნივერსიტეტში დასრულებული აქვს მასწავლებლის მომზადების საგანამანთლებლო პროგრამა, ინგლისური ენის მიმართულებით. Მას 2001-2006 წლებში აქვს მიღებული ეკონომიკის მაგისტრის ხარისხი წარჩინებით. სწავლის პერიოდში გავლილი აქვს ბიზნეს ინგლისურის სასწავლო კურსი, რომელიც მისი მეორე პროფესიის საფუძველი გახდა.
სწავლისას (2001-2006) აშშ-ის საერთაშორისო განვითარების სააგენტოს ეგიდით განხორციელებული “Junior Achievement Georgia”-ს პროგრამის ფარგლებში მონაწილე სკოლებში იყო სტაჟიორ მასწავლებლად. ჩართული იყო საერთაშორისო დასაქმების პლატფორმის მთარგმნელობით საქმიანობაში. კვლევითი საქმიანობით დაინტერესებული, არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაციისა“ და „რეიტინგი კავკასია“-ს ფარგლებში კვლევით, თუ საკანონმდებლო პროექტებში იღებდა მონაწილეობას. იყო გაზეთი „ბანკები და ფინანსების“ კორესპონდენტი. სტუდენტთა სამეცნიერო კონფერენციაზე ორჯერ არის დაჯილდოვებული საუკეთესო მოხსენების წარდგენისთვის. თანამშრომლობდა პროფესიული მიმართულებით ბრიტანელ მასწავლებელთან, კარლ უეთემთან და ამერიკელ მასწავლებელთან, ჯეფრი სილვერმენთან.
ნადია ცხოვრებაშვილმა ასევე გაიარა პროფესიული განათლების მასწავლებელთა პედაგოგიური პროგრამის სრული კურსი. უკანასკნელი განხორციელდა პროფესიული განათლების მასწავლებელთა და დირექტორთა პროფესიული განვითარების სახელმწიფო პროგრამის ფარგლებში. გავლილი აქვს კორპორაციული ხელმძღვანელის მომზადების პროგრამა.
ნადია ამ დროისთვის არის მოწვეული მასწავლებელი, საქართველოს ტექნიკური უნივერსიტეტის ბაზაზე არსებულ პროფესიულ საგანმანათლებლო პროგრამებში. ამასთანავე, იგი არის საქართველოს ტექნიკური უნივერსიტეტის ხარისხის სამსახურის თანამშრომელი.