კვლევითი ერთეულის პერსონალი

ტექნიკურ მეცნიერებათა დოქტორი;
მიმართულება: მენეჯმენტი;

შალვა მაჭავარიანი არის აღმოსავლეთ ევროპის უნივერსიტეტის ვიცე-რექტორი სამეცნიერო საკითხებში, ბიზნესისა და ინჟინერიის ფაკულტეტის სადისერტაციო საბჭოს თავჯდომარე. მას აქვს მრავალწლიანი პედაგოგიური და პროფესიული საქმიანობის გამოცდილება.  ის სხვადასხვა წლებში იყო ეკონომიკისა და დაგეგმვის სამეცნიერო-კვლევითი ინსტიტუტის საინვესტიციო დეპარტამენტისა და საქართველოს სახელმწიფო კანცელარიის რეფორმის ჯგუფის ხელმძღვანელი; საქართველოს პარლამენტის ეკონომიკური კომისიის უფროს მრჩეველი, მსოფლიო ბანკის პროგრამის „საქართველოში უმაღლესი განათლების რეფორმის – ’’ო’’ კომპონენტის ხელმძღვანელი; ამერიკული უნივერსიტეტისა და ჯორჯ მესონის უნივერსიტეტის პროგრამის „საქართველოში ეკონომიკური დანაშაულისა და ფულის გათეთრების პროგრამის“ თანახელმძღვანელი, სამეცნიერო დარგში პრორექტორი თბილისის საგარეო ეკონომიკურ ურთიერთობათა ინსტიტუტში და  კავკასიის უნივერსიტეტში.

შალვა მაჭავარიანს აქვს სამეცნიერო-კვლევითი საქმიანობის მრავალწლიანი გამოცდილება. არის 15 საერთაშორისო სამეცნიერო პროექტის მონაწილე და 6 საერთაშორისო სამეცნიერო პროექტის ხელმძღვანელი. 20-მდე სამეცნიერო შრომების კრებულის სამეცნიერო რედაქტორი. საქართველოში აშშ-ს საელჩოს მიერ დაფინანსებული 4 გლობალური გამოცემის ქართული თარგმანის პროექტის ხელმძღვანელი და სამეცნიერო რედაქტორი, 64  სამეცნიერო პუბლიკაციის და  2 გამოგონების (პატენტი) ავტორი.  არაერთი საერთაშორისო და ადგილობრივი სამეცნიერო კონფერენციის, სემინარის, ვორკშოპის ორგანიზატორი და მოდერატორი. დაჯილდოებულია  ღირსების საპატიო ორდენით.

ეკონომიკის დოქტორი;
მიმართულება:  ბიზნეს ადმინისტრირება.

გელა გრიგოლაშვილს  აქვს მრავალწლიანი პროფესიული და პედაგოგიური გამოცდილება. აღმოსავლეთ ევროპის უნივერსიტეტში იკავებდა  სამეცნიერო კვლევებისა და განვითარების სამსახურის ხელმძღვანელის, ბიზნესისა და ინჟინერიის ფაკულტეტის სადისერტაციო საბჭოს სამეცნიერო მდივნის თანამდებობებს. სხვადასხვა წლებში იყო დემოგრაფიისა და სოციოლოგიის ინსტიტუტის, საქართველოს მეცნიერებათა აკადემიისა და საქართველოს მეცნიერებათა აკადემიის ეკონომიკის ინსტიტუტის მეცნიერ-თანამშრომელი.

გელა გრიგოლაშვილი წლების განმავლობაში აქტიურად ეწევა სამეცნიერო-კვლევით საქმიანობას. არის არაერთი სამეცნიერო პუბლიკაციისა და ორი მონოგრაფიის ავტორი, ადგილობრივი და საერთაშორისო კონფერენციის, სემინარის, ვორკშოპის მონაწილე და მომხსენებელი, საქართველოში აშშ-ს საელჩოს მიერ დაფინანსებული 4 გლობალური გამოცემის ქართული თარგმანის პროექტის მონაწილე/მკვლევარი.