2022 წლის 29 მაისს აღმოსავლეთ ევროპის უნივერსიტეტში (EEU) სკოლის მოსწავლეებისთვის გაიმართა ინტერაქციული და ინტელექტუალურ-გასართობი თამაში: ,,რებუსებისა და ფაზლის ტურნირი’’.
შეჯიბრში მონაწილეობა ქ. თბილისის მასშტაბით სხვადასხვა კერძო და საჯარო სკოლების მე-10, მე-11 და მე-12 კლასის მოსწავლეებმა მიიღეს.
ღონისძიების პირველ ეტაპზე სკოლის მოსწავლეები ერთმანეთს ფაზლის აწყობაში შეეჯიბრნენ.
ფაზლის ტურნირში გამარჯვებულ ორ გუნდს შორის მეორე ეტაპზე რებუსების ტურნირი გაიმართა. რებუსების ტურნირში გამარჯვებული გუნდის თითოეულ წევრს აღმოსავლეთ ევროპის უნივერსიტეტისგან გადაეცა სემესტრული 1125-ლარიანი სასწავლო ვაუჩერი:
- ნინი აბულაძე – ქ. თბილისის 22-ე საჯარო სკოლის მოსწავლე
- ანი უროტაძე – ქ. თბილისის სკოლის “ანი-Zet” მოსწავლე
- ნინო ქურთუბაძე – ქ. თბილისის სკოლის “ანი-Zet” მოსწავლე
- დეა ნეპარიშვილი – ქ. თბილისის 158-ე საჯარო სკოლის მოსწავლე
- ანა გაბუნია – ქ. თბილისის 22-ე საჯარო სკოლის მოსწავლე
ღონისძიების დასკვნით ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ასევე, დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
