2022 წლის 8 ივნისს, აღმოსავლეთ ევროპის უნივერსიტეტსა და ქალაქ თბილისის №172-ე საჯარო სკოლას შორის ურთიერთთანამშრომლობის მემორანდუმი გაფორმდა.
მემორანდუმს ხელი აღმოსავლეთ ევროპის უნივერსიტეტის რექტორმა, კახაბერ ლაზარაშვილმა და ქალაქ თბილისის №172-ე საჯარო სკოლის დირექტორმა, დავით ბრეგვაძემ მოაწერეს.
ურთიერთთანამშრომლობის მიზანს წარმოადგენს აღმოსავლეთ ევროპის უნივერსიტეტის სტუდენტების პროფესიული განვითარებისა და №172-ე საჯარო სკოლის წარმატებული საქმიანობის ხელშეწყობა.
მემორანდუმის ფარგლებში მხარეებს შესაძლებლობა ეძლევათ, საერთო ინტერესებიდან გამომდინარე, განახორციელონ პედაგოგიური და ადმინისტრაციული პრაქტიკის, განათლების კვლევების, ერთობლივი ღონისძიებების დაგეგმვა და ორგანიზება.