ჰოკაიდოს უნივერსიტეტის სლავურ-ევრაზიული კვლევითი ცენტრის (SRC) უცხოელ ვიზიტორთა სასტიპენდიო პროგრამა 2022

•  სამგზავრო ხარჯები (ერთი ორმხრივი ეკონომ-კლასის ტიპის ავიაბილეთი სტიპენდიატის სამუშაო ადგილიდან ქალაქ საპორომდე;)
• ყოველთვიური საცხოვრებელი ხარჯები 380,000 – 500,000 იენის ოდენობით (ექვემდებარება გადახედვას). (გთხოვთ, გაითვალისწინოთ, რომ თქვენს შემოსავალზე დაბეგვრის ჯამი იაპონიაში იქნება დამოკიდებული იმაზე, არსებობს თუ არა საგადასახადო ხელშეკრულება იაპონიასა და თქვენს ქვეყანას შორის. ხელშეკრულების არსებობს დაგეხმარებათ თავიდან აიცილოთ ორმაგი დაბეგვრა.);
• განთავსება – ბინა უნივერსიტეტის უცხოელ მეცნიერთა რეზიდენციაში ან კეთილმოწყობილი ბინა უნივერსიტეტის კამპუსის გარეთ. პირველის ხელმისაწვდომობა დამოკიდებულია თქვენი ვიზიტის პერიოდზე. ორივე შემთხვევაში მოგიწევთ ყოველთვიური ქირისა და კომუნალური გადასახადის დაფარვა;
• საჭიროების შემთხვევაში სამგზავრო ხარჯების დაფარვა ცენტრამდე და უკან;
• ოფისი ცენტრში (აღჭურვილი პერსონალური კომპიუტერით) და წვდომა უნივერსიტეტისა და ბიბლიოთეკის ყველა რესურსთან;
• მოწვეული მეცნიერი უნდა ჩაერთოს იაპონიის ეროვნული ჯანდაცვის სადაზღვევო და საპენსიო პროგრამაში. დაზღვევა დაფარავს თქვენი სამედიცინო ხარჯების 70%-ს, სტომატოლოგიური ხარჯების ჩათვლით;
• პროგრამა ანაზღაურებს მოწვეული მეცნიერის პროფესიული მიზნით გადაადგილებას იაპონიის ფარგლებში (შეზღუდული რაოდენობით). უცხოეთში გადაადგილება საჭიროებს დირექტორის თანხმობას წესდების თანახმად.

• თითოეული თანამშრომელი იღებს ვალდებულებას, რომ წარადგინოს მინიმუმ ორი პრეზენტაცია იაპონიაში გამართულ აკადემიურ შეხვედრებზე SRC-ს ჩათვლით;
• საპოროში მუშაობის დროს ან ვიზიტის დასრულებისთანავე თითოეულმა თანამშრომელმა უნდა წარადგინოს სტატია ცენტრის საერთაშორისოდ რეფერირებულ ჟურნალში ‘’Acta Slavica Iaponica’’ სლავური და ევრაზიული კვლევების ფართო თემატიკის გათვალისწინებით;
• მოწვეულმა თანამშრომელმა ასევე უნდა წაიკითხოს ლექციები კურსდამთავრებულებისთვის, მონაწილეობა მიიღოს სემინარებსა და სიმპოზიუმებში და ითანამშრომლოს SRC-ის მკვლევრებთან SRC-ში მუშაობის დროს და მის შემდეგ.

თითოეულ განმცხადებელს უნდა ჰქონდეს მინიმუმ ორი სარეკომენდაციო წერილი, რომელიც გაიგზავნება უშუალოდ ცენტრში: ერთი სარეკომენდაციო წერილი იმ დაწესებულებიდან, რომელსაც განმცხადებელი წარმოადგენს და მოწმობს, რომ იგი თავისუფალი იქნება საპოროში ვიზიტის დროს, ხოლო მეორე კონფიდენციალური სარეკომენდაციო წერილი მათ სფეროში აღიარებული სპეციალისტისგან, რომელიც აფასებს განმცხადებელს და მის პროექტს.

განაცხადები უნდა გაიგზავნოს ელექტრონული ფოსტით მისამართზე: FVFP@slav.hokudai.ac.jp.