საერთაშორისო სამეცნიერო-პრაქტიკული კონფერენცია (ISPC, 2022): ,,ციფრული მენეჯმენტი, ტექნოლოგიური შესალებლობები და გამოწვევები“

აღმოსავლეთ ევროპის უნივერსიტეტისა და ელექტრონული კომერციის ინსტიტუტის (კიოლნი, გერმანია) ორგანიზებით 2022 წლის 4 ნოემბერს გაიმართა  რიგით მეორე ონლაინ საერთაშორისო სამეცნიერო-პრაქტიკული კონფერენცია: ,,ციფრული მენეჯმენტი, ტექნოლოგიური შესალებლობები და გამოწვევები “.

ღონისძიება გახსნეს კონფერენციის საორგანიზაციო კომიტეტის ხელმძღვანელებმა, აღმოსავლეთ ევროპის უნივერსიტეტის ვიცე-რექტორმა სამეცნიერო საკითხებში პროფესორმა შალვა მაჭავარიანმა და ელექტრონული კომერციის ინსტიტუტის დირექტორმა, პროფესორმა რიჩარდ გეიბელმა.

კონფერენციის მონაწილეებს მიესალმნენ აღმოსავლეთ ევროპის უნივერსიტეტის აკადემიური საბჭოს ხელმძღვანელი ასოცირებული პროფესორი დავით ჩერქეზიშვილი და აღმოსავლეთ ევროპის უნივერსიტეტის რექტორი, ასოცირებული პროფესორი კახაბერ ლაზარაშვილი.

კონფერენციაზე აღმოსავლეთ ევროპის უნივერსიტეტისა და ელექტრონული კომერციის ინსტიტუტის მეცნიერებთან და დოქტორანტებთან ერთად მოხსენებები წარმოადგინეს საქართველოს უნივერსიტეტების ახალგაზრდა მკვლევრებმა და დარგის სპეციალისტებმა.

ღონისძიებას ესწრებოდნენ როგორც ორგანიზატორი უნივერსიტეტების, აგრეთვე საქართველოსა და გერმანიის სხვადასხვა უმაღლესი საგანმანათლებლო დაწესებულების აკადემიური პერსონალი და სტუდენტები.

კონფერენციაზე მონაწილეებმა განიხილეს ციფრული ტრანსფორმაციის შესაძლებლობები, არსებული გამოწვევები და სრულყოფის აქტუალური საკითხები.

2021 წელს ჩატარებული კონფერენციის მსგავსად, გადაწყდა კონფერენციაზე განხილული მოხსენებების კრებულის დაბეჭდვა გამომცემლობა Springer-ში.

ღონისძიება შეაჯამეს ორგანიზატორი უნივერსიტეტების წარმომადგენლებმა და დასახეს ISPC 2023-ის გამართვის სამომავლო გეგმა.

კონფერენციის მონაწილეებს გადაეცათ ელექტრონული სერტიფიკატები.

კონფერენციის დღის წესრიგი იხ. ბმულზე.