მიმდინარე წლის 20 დეკემბერს აღმოსავლეთ ევროპის უნივერსიტეტის სამართლის სამაგისტრო პროგრამის სტუდენტებისათვის გაიმართა საინფორმაციო შეხვედრა ტუშას უნივერსიტეტში (იტალია) ბინაციონალური სამაგისტრო პროგრამის – ,,უსაფრთხოება და ადამიანის უფლებები’’ – თაობაზე.
საინფორმაციო შეხვედრაზე უნივერსიტეტის საერთაშორისო ურთიერთობების დეპარტამენტმა და ვიცე-რექტორმა თეა იმედაძემ სტუდენტებს გააცნო დეტალური ინფორმაცია ბინაციონალური პროგრამის სასწავლო კურსების, Erasmus+ – ის დაფინანსებისა და კონკურსის პირობების შესახებ.
შეხვედრა წარიმართა ჰიბრიდულ ფორმატში. სტუდენტებს საშუალება ჰქონდათ დასწრებოდნენ როგორც ადგილზე, ასევე ონლაინ, ZOOM – პლატფორმის გამოყენებით და დაესვათ მათთვის საინტერესო შეკითხვები.
საინფორმაციო შეხვედრამ წარმატებით ჩაიარა და საერთაშორისო ურთიერთობების დეპარტამენტი უსურვებს სამართლის სამაგისტრო პროგრამის სტუდენტებს ტუშას უნივერსიტეტში, ბინაციონალურ სამაგისტრო პროგრამის კონკურსში წარმატებას!