FaRiG არის ინგლისური საქველმოქმედო ორგანიზაცია დაარსებული 2000 წელს ჯონ ვილკინსონის მიერ, რომელიც ყოველწლიურ გრანტებს გასცემს ქართველი მეცნიერებისათვის ჰუმანიტარულ მეცნიერებებში პოსტ-დოქტორანტურის კვლევისათვის და ხელს უწყობს კვლევის შედეგების გამოქვეყნებას საქართველოს ფარგლებს გარეთ.
2023 წლისათვის გამოყოფილია შემდეგი გრანტები:
საქართველოში მცხოვრები ქართველი მეცნიერებისთვის გრანტის ფარგლებში განსაზღვრულია 1500£-მდე აკადემიური კვლევისთვის (სასურველია საქართველოს ფარგლებში). კვლევა ფოკუსირებული უნდა იყოს საქართველოს კულტურისა და მემკვიდრეობის საკითხზე, რომელიც მაღალი საზოგადოებრივი ინტერესით გამოირჩევა.
საქართველოში მცხოვრები ქართველი მეცნიერებისთვის გრანტის ფარგლებში გამოყოფილია 1500£-მდე აკადემიური კვლევისთვის, კვლევა ფოკუსირებული უნდა იყოს ქართულ-ანატოლიურ კვლევებზე, შავი ზღვის სამხრეთ-აღმოსავლეთ კუთხის მიმდებარე რეგიონის მდიდარი კულტურული და ისტორიული მემკვიდრეობის გათვალისწინებით.
საქართველოში მცხოვრები ქართველი მეცნიერებისთვის გრანტის ფარგლებში გამოყოფილია 1000£-მდე აკადემიური კვლევისთვის (სასურველია საქართველოს ფარგლებში), რომლის კვლევის საგანს უნდა წარმოადგენდეს საქართველოსა და კავკასიის ებრაული თემების ისტორია და კულტურა.
გრანტის ოდენობა განსაზღვრულია 1000£-მდე საქართველოში და/ან რუსეთში მცხოვრები ქართველი მეცნიერებისთვის. საკვლევი თემა: საქართველო – რუსეთის მრავალსაუკუნოვანი ურთიერთობის ასპექტი. კვლევითი საქმიანობა შეიძლება მოიცავდეს საველე სამუშაოების ჩატარებას, ასევე არქივებში, მუზეუმებსა და ბიბლიოთეკებში მუშაობას საქართველოში, რუსეთში ან სხვაგან.
გრანტის მისაღებად უმთავრეს კრიტერიუმს წარმოადგენს კვლევითი ნაშრომის ხარისხი და მისი აქტუალობა. კვლევის პროექტთან დაკავშირებული ხარჯების დაფარვა უნდა მოხდეს გრანტებით.
მეცნიერები, რომლებმაც უკვე მოიპოვეს აღნიშნული გრანტები, მომავალი ხუთი წლის მანძილზე ვერ შეძლებენ განაცხადის შეტანას დაფინანსების მისაღებად.
განაცხადის ფორმის ჩამოტვირთვა შესაძლებელია www.farig.org-დან და შევსების შემდეგ უნდა გადაიგზავნოს ელექტრონული ფოსტით რობერტ სკალონთან, FaRiG Hon მდივანთან, მისამართზე enquiries@farig.org 2023 წლის 28 თებერვლამდე.
განცხადებასთან ერთად წარმოდგენილი უნდა იყოს ორი სარეკომენდაციო წერილი კონფიდენციალურობის დაცვით პირებისგან, რომლებიც იცნობენ განმცხადებლის მუშაობას. სარეკომენდაციო წერილები უნდა გაიგზავნოს რეკომენდატორების მიერ FaRiG Hon მდივანთან მისამართზე enquiries@farig.org და არ დაერთოს განაცხადს.
FaRiG Awards-ის ქვეკომიტეტის მიერ შერჩეულ, გამარჯვებულ პირთა ვინაობა ცნობილი გახდება 2023 წლის 15 აპრილს.
კითხვების შემთხვევაში მიმართეთ ელექტრონული ფოსტით, მისამართზე: enquiries@farig.org.
ესეისთვის საპრიზო თანხას წარმოადგენს 500£ ქართველი მეცნიერებისათვის (ინგლისურ ენაზე – მაქსიმუმ 5000 სიტყვა).
ესე უნდა შეეხებოდეს ნებისმიერ თემას ჰუმანიტარული მეცნიერებებიდან, რომელიც აქტუალურია საქართველოსთვის. პრიორიტეტი მიენიჭებათ სტუდენტებსა და ახალკურსდამთავრებულებს.
გამარჯვებული ესე გამოქვეყნდება FaRiG-ის ვებსაიტზე და შესაძლოა აკადემიური ტიპის პუბლიკაციაშიც. ესე არ უნდა იყოს მანამდე გამოქვეყნებული ინგლისურ ენაზე.
განაცხადის ფორმის ჩამოტვირთვა შესაძლებელია www.farig.org-დან, რომელიც ესეისთან ერთად უნდა გაიგზავნოს ელექტრონული ფოსტით რობერტ სკალონთან, FaRiG Hon მდივანთან, მისამართზე enquiries@farig.org 2023 წლის 28 თებერვლამდე.
Faring –ის ქვეკომიტეტი გამარჯვებულს პრიზს გადასცემს 2023 წლის 15 აპრილს.
დამატებითი ინფორმაციისათვის ეწვიეთ ბმულს : http://www.farig.org/
Sorry, we aren't online at the moment. Leave a message.
Need more help? Save time by starting your support request online.
Help us help you better! Feel free to leave us any additional feedback.
