10 მარტს, 16:00 საათზე აღმოსავლეთ ევროპის უნივერსიტეტისა და თბილისის ბალნეოლოგიური კურორტის ერთობლივი ორგანიზებით გაიმართება ლექტორიუმი თემაზე: „სექსუალური განათლება და ჯანმრთელობა“.
ლექტორიუმზე მოწვეულები არიან განათლებისა და მეცნიერების სამინისტროს წარმომადგენლები, ქალთა ორგანიზაციების წარმომადგენლები, განათლების და ჯანდაცვის სპეციალისტები, სხვადასხვა პროფილის ექიმები, აღმოსავლეთ ევროპის უნივერსიტეტისა და თბილისის ბალნეოლოგიური კურორტის წარმომადგენლები.
ლექტორიუმზე წარმოდგენილი იქნება მოხსენებები:
- ,,პარტნიორობისა და სექსუალური განათლების განვითარება უმაღლესი განათლების სფეროში: აკადემიკოსებისა და პრაქტიკოსების აზრის კვლევა საქართველოში” (მომხსენებელი: კახაბერ ლაზარაშვილი – აღმოსავლეთ ევროპის უნივერსიტეტის რექტორი, განათლების მეცნიერებების დოქტორი)
- ,,სექსუალური განათლება როგორც სტუდენტთა პიროვნულ განვითარებაზე ორიენტირებული განათლების ნაწილი: ჰოლისტური მიდგომის საჭიროება” (მომხსენებელი: გიორგი თავაძე – აღმოსავლეთ ევროპის უნივერსიტეტის პროფესორი, ფილოსოფიის დოქტორი)
- „სექსუალური ჯანმრთელობის პროგრამა და სერვისები” (მომხსენებელი: ნინა გოგოხია – თბილისი ბალნეოლოგიური კურორტის ფსიქო-სოციალური მიმართულების ხელმძღვანელი, კლინიკური ფსიქოლოგი, ნეირომეცნიერების დოქტორი)
- „ბალნეოთერაპიის როლი სექსუალური დარღვევების დროს“ (მომხსენებელი: ნანა გულუა – თბილისის ბალნეოლოგიური კურორტის რეაბილიტოლოგი, ხარისხის კონტროლის სამსახურის ხელმძღვანელი)
მოხსენებების დასრულების შემდეგ გაიმართება 1-საათიანი დისკუსია. დისკუსიის მოდერატორი: ეკა სანიკიძე (თბილისის ბალნეოლოგიური ცენტრის სამედიცინო დირექტორი)
შეხვედრის ადგილი: თბილისის ბალნეოლოგიური კურორტი
შეხვედრის ფორმატი: პირისპირ
სამუშაო ენა: ქართული