აღმოსავლეთ ევროპის უნივერსიტეტმა საბერძნეთის სოციალურ და პოლიტიკურ მეცნიერებათა პანთეონის უნივერსიტეტთან თანამშრომლობით 2023 წელს მოიპოვა ერაზმუსის გრანტი ERASMUS+ პროგრამის საერთაშორისო კრედიტ მობილობის (International Credit Mobility – ICM) ფარგლებში, რომელიც ერთობლივი, მოკლევადიანი გაცვლითი პროგრამაა სტუდენტებისა და აკადემიური/ადმინისტრაციული პერსონალისთვის.
აღმოსავლეთ ევროპის უნივერსიტეტის სტუდენტებს, ასევე აკადემიურ პერსონალს, ეძლევათ შესაძლებლობა 2023-2024 წლებში, ერთი სემესტრის განმავლობაში, ისწავლონ ან/და აწარმოონ სამეცნიერო-კვლევითი საქმიანობა სოციალურ და პოლიტიკურ მეცნიერებათა პანთეონის უნივერსიტეტში და აიმაღლონ კვალიფიკაცია სასურველი მიმართულებით.
ERASMUS+ ის სტიპენდია სრულად ფარავს, როგორც სწავლის, ასევე მგზავრობისა და ცხოვრების ხარჯებს!
პანთეონის უნივერსიტეტი გახლავთ საბერძნეთში სოციალური და პოლიტიკური მეცნიერებების მიმართულებით უძველესი უნივერსიტეტი, რომელიც დაარსდა 1927 წელს და მდებარეობს ათენში. უნივერსიტეტი აერთიანებს ოთხ ფაკულტეტს, სამ კვლევით ინსტიტუტს, თვრამეტ კვლევით ცენტრსა და ლაბორატორიებს, სტუდენტების რაოდენობა კი 19 000-ს აჭარბებს.
დამატებითი ინფორმაცია უნივერსიტეტის შესახებ შეგიძლიათ, იხილოთ შემდეგ მისამართზე: https://www.panteion.gr/en/
სტიპენდიანტთა შერჩევა განხორციელდება ღია კონკურსის წესით. კონკურსის შესახებ დეტალური ინფორმაცია გამოქვეყნდება მოგვიანებით.