აღმოსავლეთ ევროპის უნივერსიტეტის (EEU) უწყვეტი განათლების ცენტრისა და EEU-ს ბიბლიოთეკის ორგანიზებით გრძელდება საბიბლიოთეკო სერვისების გამოყენების შესახებ ტრენინგების სერია; ამჯერად, 3 ნოემბერს, განათლების მეცნიერებების ფაკულტეტის სტუდენტებისთვის ჩატარდა ტრენინგი, რომლის მიზანიც EEU-ს საბიბლიოთეკო რესურსებით სარგებლობისა და სერვისების შესახებ ინფორმაციის მიწოდება იყო.
ტრენინგს უძღვებოდა EEU-ს ბიბლიოთეკის ხელმძღვანელი გვანცა კობახიძე. შეხვედრას ასევე დაესწრო განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი.
ტრენინგის ფარგლებში სტუდენტები გაეცნენ:
- საერთაშორისო სამეცნიერო ბაზების გამოყენების ტექნიკებს;
- საბიბლიოთეკო ელექტრონულ კატალოგში რესურსების მოძიება/დაჯავშნის წესებს;
- EEU-ს ბიბლიოთეკით სარგებლობის წესებსა და სხვადასხვა საბიბლიოთეკო მხარდამჭერ სერვისებს.
შეხვედრის მეორე ეტაპი მოიცავდა პრაქტიკულ ნაწილს, რომელიც დაეთმო ბიბლიოთეკის რესურსების შესახებ მიღებული ინფორმაციის პრაქტიკაში გამოყენებას. სამიზნე ჯგუფის წევრებმა აღმოსავლეთ ევროპის უნივერსიტეტის საბიბლიოთეკო რესურსები და წიგნადი ფონდი (ციფრული და ბეჭდური) დაათვალიერეს და ბაზებში რესურსები მოიძიეს.