აღმოსავლეთ ევროპის უნივერსიტეტის (EEU) ბიზნესისა და ინჟინერიის ფაკულტეტის ინიციატივითა და უწყვეტი განათლების ცენტრის (LLC) ორგანიზებით მიმდინარე წლის 22 დეკემბერს გაიმართა ვორკშოპი: ,,საქართველოს საბანკო სექტორის განვითარების თანამედროვე ტენდენციები’’.
შეხვედრას უძღვებოდა საქართველოს საბანკო ასოციაციის ანალიტიკური დირექტორი, დეპოზიტების დაზღვევის სააგენტოს სამეთვალყურეო საბჭოს დამოუკიდებელი წევრი დავით რუსია.
ვორკშოპი გახსნა აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა. ღონისძიებას ასევე დაესწრნენ ბიზნესისა და ინჟინერიის ფაკულტეტის დეკანი, პროფესორი ვასილ კიკუტაძე, მისი მოადგილე, ასისტენტ-პროფესორი თამთა ლეკიშვილი და განათლების დეპარატმენტის უფროსი, ასოც. პროფესორი ქეთევან აფთარაშვილი.
ვორკშოპის ფარგლებში სტუდენტები გაეცნენ:
- საქართველოს საბანკო სისტემის მდგომარეობას 2023 წლის სექტემბრის მონაცემებით;
- საბანკო სექტორში მიმდინარე პროცესებს, სიახლეებს;
- საბანკო ასოციაციასა და მის როლს;
- საბანკო სისტემაში დასაქმების საკითხებს;
- ტრადიციული და ფინტეკ კომპანიების სინთეზს, ღია ბანკიგის პროექტს.
შეხვედრის ბოლოს შემაჯამებელი დისკუსია გაიმართა. მსმენელებისთვის საინტერესო კითხვებს დავით რუსიამ დეტალურად უპასუხა.
ვორკშოპის ყველა მონაწილეს გადაეცა სერტიფიკატები.
