აღმოსავლეთ ევროპის უნივერსიტეტის (EEU), ტყიბულის მუნიციპალიტეტის მერიისა და ტყიბულის საგანმანათლებლო რესურსცენტრის ერთობლივი ორგანიზებით მიმდინარე წლის 15 ივნისს, EEU-ში პროფესიული ორიენტაციის დღე გაიმართა.
ღონისძიებაში მონაწილეობას იღებდა ქ. თბილისისა და ტყიბულის მუნიციპალიტეტის საჯარო სკოლების 80-ზე მეტი მოსწავლე.
,,პროფესიული ორიენტაციის დღე 2024” გახსნა ტყიბულის მუნიციპალიტეტის მერმა, EEU-ს პროფესორმა და აკადემიური კოლეგიის თავმჯდომარემ დავით ჩერქეზიშვილმა. მოსწავლეებს მიესალმა აღმოსავლეთ ევროპის უნივერსიტეტის რექტორი, პროფესორი კახაბერ ლაზარაშვილი. მან აუდიტორიას დეტალური ინფორმაცია მიაწოდა უნივერსიტეტის საერთაშორისო თანამშრომლობისა და სამომავლო გეგმების შესახებ. EEU-ს საბაკალავრო პროგრამების, პროფესიის არჩევის სირთულეებსა და მასზე მოქმედი ფაქტორების, პროფესიის სწორად არჩევის ეტაპებსა და თანამედროვე შრომის ბაზრის მოთხოვნების შესახებ მოსწავლეებს ესაუბრნენ ფაკულტეტის დეკანები და პროგრამის ხელმძღვანელები:
- ზვიად როგავა – პროფესორი, იურიდიულ და სოციალურ მეცნიერებათა ფაკულტეტის დეკანი;
- დავით ბოსტოღანაშვილი – პროფესორი, სამართლის პროგრამის ხელმძღვანელი;
- ქეთევან აფთარაშვილი – ასოცირებული პროფესორი, განათლების მეცნიერებების ფაკულტეტის დეკანი;
- ვასილ კიკუტაძე – პროფესორი, ბიზნესისა და ინჟინერიის ფაკულტეტის დეკანი;
- ავთანდილ გაგნიძე – პროფესორი, ბიზნესის ადმინისტრირების პროგრამის ხელმძღვანელი.
ღონისძიების მეორე ეტაპზე სკოლის მოსწავლეებისთვის EEU-ს ფსიქოლოგიური ,,ლაბორატორია Z”-ის ქცევისა და ნეირომარკეტინგის შემსწავლელი ახალი ტექნოლოგიების (თვალის მოძრაობის დეტექტორი, პოლიგრაფი) პრეზენტაცია და სიმულაცია გაიმართა. ნეირომარკეტინგის მასტერკლასის ფარგლებში ,,ლაბორატორია Z”-ის მკვლევარმა ლაშა ჩანთაძემ განიხილა ისეთი საკითხები, როგორებიცაა თანამედროვე ნეირომეცნიერება, ნეირომარკეტინგის საჭიროება ციფრულ სამყაროში, ნეირომარკეტინგის საზომი ინსტრუმენტები და კვლევის პროცედურა.
მოსწავლეების მონაწილეობით, აგრეთვე, ჩატარდა სიმულაციური ექსპერიმენტი, რომლის ფარგლებში მათ თავად მოირგებს მოწყობილობა Eye Tracker და რეალურ დროში დააკვირდნენ ნეირომარკეტინგული კვლევის პროცესს.
,,პროფესიული ორიენტაციის დღის” ფარგლებში მოეწყო აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი კამპუსის ტური, რომლის მიმდინარეობისას კლინიკური და პრაქტიკული უნარ-ჩვევების განვითარების ცენტრის ხელმძღვანელმა, ელენე ზურაბიშვილმა სკოლის მოსწავლეებისთვის მედიცინის ინოვაციური ტექნოლოგიების პრეზენტაცია გამართა.
ღონისძიების დასკვნით ეტაპზე სკოლის მოსწავლეებმა და უნივერსიტეტის თანამშრომლებმა მცხეთაში სამთავროს მონასტერი და მამა გაბრიელის საფლავი ერთად მოილოცეს.
