მიმდინარე წლის 28 ოქტომბერს აღმოსავლეთ ევროპის უნივერსიტეტის სტუდენტებისთვის გაიმართა საინფორმაციო შეხვედრა EEU-ს ბაზაზე თეატრალური დასის ჩამოყალიბების შესახებ.
საინფორმაციო შეხვედრა აღმოსავლეთ ევროპის უნივერსიტეტის რექტორმა, კახაბერ ლაზარაშვილმა გახსნა და ხაზი გაუსვა იმ ფაქტს, რომ შემოქმედებითი ნიჭით დაჯილდოებულ EEU-ს სტუდენტებს საშუალება ეძლევათ, საკუთარი შესაძლებლობები წარმოაჩინონ და უნივერსიტეტის თეატრალური დასის წევრები გახდნენ.
5 და 7 ნოემბერს, რეჟისორი, დრამატურგი პეტრე ჩარგეიშვილი, თბილისის ზაქარია ფალიაშვილის სახელობის ოპერისა და ბალეტის პროფესიული სახელმწიფო თეატრის სოლისტი ანზორ ხიდაშელი და მსახიობი გიორგი ტატიშვილი ჩაატარებენ ქასთინგს და უნივერსიტეტის თეატრალური დასის შემადგენლობას შეარჩევენ.
დაინტერესებულ სტუდენტს შეუძლია, ქასთინგისთვის მოამზადოს:
- ნაწყვეტი ნებისმიერი ლიტერატურული ნაწარმოებიდან – პროზა (მონოლოგი), ქართული პოეზია (ლექსი) და იგავ–არაკი;
- ცეკვა (ქართული/უცხოური/შეთხზული);
- სიმღერა (ინსტრუმენტის თანხლებით/გარეშე);
- სტუდენტები, რომლებსაც შეუძლიათ ხატვა, წარმოადგენენ სცენის ესკიზს და რეჟისორის მიერ მიცემულ დავალებას შეასრულებენ.
ქასთინგის განხორციელების განრიგი:
- 05 ნოემბერი, 13:00-18:00 საათი
- 07 ნოემბერი, 13:00-18:00 საათი
ქასთინგში მონაწილეობის მიღება შეუძლია აღმოსავლეთ ევროპის უნივერსიტეტის ნებისმიერ სტუდენტს.
ქასთინგში მონაწილეობისთვის 4 ნოემბრის ჩათვლით გაიარეთ წინასწარი რეგისტრაცია ბმულზე.