მიმდინარე წლის 23-25 აპრილს, აღმოსავლეთ ევროპის უნივერსიტეტის (EEU) წარმომადგენლებმა, უნივერსიტეტის ვიცე-რექტორმა, იურიდიულ და სოციალურ მეცნიერებათა ფაკულტეტის პროფესორმა ზვიად როგავამ და რექტორის მრჩეველმა საერთაშორისო და ადმინისტრაციულ საკითხებში, ამავე ფაკულტეტის ასისტენტ-პროფესორმა თეა იმედაძემ, მონაწილეობა მიიღეს ევროპის იურიდიული ფაკულტეტების ასოციაციის (ELFA) ყოველწლიურ კონფერენციაში, რომელიც სოფიაში, ბულგარეთში გაიმართა. აღნიშნული კონფერენცია ასოციაციის 30 წლის იუბილეს მიეძღვნა და მთავარ თემას წარმოადგენდა „ELFA-ს 30 წელი: იურიდიული განათლება ტრადიციებსა და თანამედროვეობას შორის.“
კონფერენციის ფარგლებში სამართლის სფეროს აკადემიური და პროფესიული საზოგადოების წარმომადგენლებმა განიხილეს იურიდიული განათლების განვითარების ტენდენციები უკანასკნელი სამი ათწლეულის განმავლობაში, თუ როგორ იცვლება ტრადიციული მიდგომები თანამედროვე გამოწვევების ფონზე.
EEU-ს წარმომადგენლებმა გამართეს შეხვედრები როგორც არსებული პარტნიორი უნივერსიტეტების, ასევე პოტენციური პარტნიორების წარმომადგენლებთან. შეხვედრებისას განხილულ იქნა აკადემიური თანამშრომლობის გაღრმავებისა და ერთობლივი პროექტების განხორციელების შესაძლებლობები.
ELFA 2025-ის კონფერენციაში მონაწილეობა მნიშვნელოვანია EEU-სთვის გლობალური ტენდენციების, საერთაშორისო სტანდარტებისა და პრაქტიკის შესაბამისი იურიდიული განათლების უზრუნველსაყოფად.