აქტივობა მიზნად ისახავდა სტუდენტთა ჩართულობას ხარისხის უზრუნველყოფის საკითხებში და ასევე, განათლების ხარისხის მართვის სასწავლო კურსის ფარგლებში მიღებული ცოდნის პრაქტიკაში გამოყენებას.
იმიტირებულ პროცესს ხელმძღვანელობდა ქეთევან აფთარაშვილი – EEU-ს ასოცირებული პროფესორი, განათლების მეცნიერებების ფაკულტეტის დეკანი.
ღონისძიების წინ გაიმართა აკრედიტაციის იმიტირებული პროცესისთვის წინამოსამზადებელი შეხვედრები, სადაც სამიზნე აუდიტორია გაეცნო აქტივობის განხორციელების ინსტრუქციას. მათ, აგრეთვე, მოირგეს სხვადასხვა როლები: ექსპერტის, აკრედიტაციის საბჭოს წევრის, განათლების ხარისხის განვითარების ეროვნული ცენტრის თანამშრომლის, უნივერსიტეტის წარმომადგენლის, სტუდენტის, კურსდამთავრებულის, დამსაქმებლისა და პროფესორ-მასწავლებლების როლები;
სამაგისტრო პროგრამის აკრედიტაციის პროცესი წარიმართა იმიტირებულ გარემოში: პირველ ეტაპზე ექსპერტთა ჯგუფმა შეისწავლა განათლების კვლევებისა და ადმინისტრირების სამაგისტრო პროგრამის შინაარსი, დოკუმენტაცია და თვითშეფასება, დაწესებულებაში განახორციელა იმიტირებული ვიზიტი აკრედიტაციის სტანდარტებთან შესაბამისობის დადგენის მიზნით, ექსპერტებმა შეიმუშავეს დასკვნა და წარუდგინეს დაწესებულების წარმომადგენლებს არგუმენტირებული პოზიციის ჩამოსაყალიბებლად, ხოლო ღონისძიების ბოლოს, გაიმართა აკრედიტაციის იმიტირებული საბჭოს სხდომა.
აკრედიტაციის იმიტირებული პროცესის ყველა მონაწილეს გადაეცა იმიტირებულ პროცესში მონაწილეობის სერტიფიკატები.
