2025 წლის 6-8 ივნისს, აღმოსავლეთ ევროპის უნივერსიტეტის წარმომადგენლებმა, საერთაშორისო ურთიერთობების დეპარტამენტის უფროსმა, თეონა ხაჩიძემ და საგამოცდო ცენტრის სპეციალისტმა, მარიამ ლობჯანიძემ ინდოეთში, ქერალას შტატში გამართულ საერთაშორისო საგანმანათლებლო გამოფენაში MediKlick 2025 მიიღეს მონაწილეობა.
აღნიშნულ ღონისძიებაში მონაწილეობა მიზნად ისახავდა EEU-ს საერთაშორისო დონეზე წარმოჩენას, უცხოელი აპლიკანტებისათვის დიპლომირებული მედიკოსის პროგრამის გაცნობას და უნივერსიტეტის გლობალურ საგანმანათლებლო ქსელში ინტეგრაციის ხელშეწყობას.
ღონისძიების ფარგლებში მოეწყო ინფორმაციული სემინარები და შეხვედრები აბიტურიენტებსა და მათ მშობლებთან. EEU-ს წარმომადგენლებმა აუდიტორიას გააცნეს აღმოსავლეთ ევროპის უნივერსიტეტში მოქმედი დიპლომირებული მედიკოსის პროგრამა, მისი სწავლის სპეციფიკა, უპირატესობები და შესაძლებლობები. ყურადღება გამახვილდა საუნივერსიტეტო კლინიკის მხარდაჭერაზე, სტუდენტებისთვის შეთავაზებულ მხარდამჭერ ღონისძიებებზე, თანამედროვე სასწავლო სივრცეებზე და უახლესი ტექნოლოგიებით აღჭურვილ ინფრასტრუქტურაზე, რომელიც უზრუნველყოფს სტუდენტების მაღალი ხარისხის პროფესიულ, თეორიულ, კლინიკურ და პრაქტიკულ მომზადებას.