2025 წლის 6 ოქტომბერს, EEU-ს უწყვეტი განათლებისა და სტუდენტური სერვისების ცენტრისა და EEU-ს ბიბლიოთეკის ორგანიზებით, პირველკურსელებისთვის ჩატარდა ტრენინგი თემაზე – „საბიბლიოთეკო რესურსები და სერვისები“.
შეხვედრა გახსნა უწყვეტი განათლებისა და სტუდენტური სერვისების ცენტრის უფროსმა მარიამ ლიკლიკაძემ, ხოლო ტრენინგს უძღვებოდა EEU-ს ბიბლიოთეკის ხელმძღვანელი გვანცა კობახიძე.
ტრენინგის ფარგლებში სტუდენტები გაეცნენ:
- EEU-ს ბიბლიოთეკის ელექტრონულ კატალოგში რესურსების მოძიებისა და დაჯავშნის წესებს;
- ბიბლიოთეკით სარგებლობის პროცედურებსა და მხარდამჭერ სერვისებს;
- საერთაშორისო სამეცნიერო ბაზების გამოყენების ტექნიკებს.
შეხვედრის მეორე ნაწილი მოიცავდა პრაქტიკულ სესიას, რომლის ფარგლებშიც სტუდენტებმა მიღებული ცოდნა პრაქტიკაში გამოიყენეს და გაეცნენ აღმოსავლეთ ევროპის უნივერსიტეტის საბიბლიოთეკო რესურსებსა და წიგნად ფონდს (ციფრულსა და ბეჭდურს).