აღმოსავლეთ ევროპის უნივერსიტეტის სტუდენტების მიერ ახლადშექმნილი კლუბის – “PsyQuilibrium’’ პრეზენტაცია მიმდინარე წლის 30 იანვარს გაიმართა.
ღონისძიება გახსნეს აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა და განათლების დეპარტამენტის უფროსის მ/შემსრულებელმა, ასოცირებულმა პროფესორმა ქეთევან აფთარაშვილმა.
აუდიტორიას “PsyQuilibrium’’-ის მიზნები და ამოცანები, საქმიანობის ძირითადი პრინციპები, დაგეგმილი აქტივობები და კლუბის ლოგოს სიმბოლური მნიშვნელობა გააცნეს EEU იურიდიულ და სოციალურ მეცნიერებათა ფაკულტეტის ფსიქოლოგიის საბაკალავრო პროგრამის სტუდენტებმა: ლიკა ჯანაშვილმა და სანდრო თებიძემ.
ღონისძიებას სტუდენტები და ადმინისტრაციის წარმომადგენლები ესწრებოდნენ.
კლუბის პრეზენტაცია გაიმართება EEU საერთაშორისო სტუდენტებისთვისაც. შეხვედრის განრიგი დამატებით გახდება ცნობილი.
სტუდენტური კლუბის დაფუძნებისა და კლუბში გაწევრიანების შესახებ დეტალური ინფორმაცია იხილეთ ბმულზე.