კლუბის შექმნა და მართვა

კლუბის მიზანია მრავალფეროვანი აქტივობებითა და ღონისძიებებით დაეხმაროს სტუდენტებს/კურსდამთავრებულებს, საკუთარი ინტერესებისა და უნარების რეალიზებაში, მოამზადოს კარიერული წარმატებისთვის და გაუჩნდეთ უნივერსიტეტის მიმართ დადებითი ემოციები და ლოიალობა. კლუბის შექმნის ძირითად პრიორიტეტულ მიმართულებებს წარმოადგენს:

• სტუდენტებში იდეების გენერირების სტიმულირება, მათი ინტერესების გამოკვეთა და მათ დახვეწა-განხორციელებაში მხარდაჭერა;
• სტუდენტთა ექსტრაკურიკულურ აქტივობებში ჩართულობის გაზრდა;
• სტუდენტური პროექტების მხარდაჭერა და უკუკავშირი;
• სტუდენტთა შორის ურთიერთობების განვითარება და აქტიური სოციალური ცხოვრება, საუნივერსიტეტო გარემოში სტუდენტა ინტეგრაციის ხელშეწყობა;
• კონფერენციების ორგანიზება და სამეცნიერო საქმიანობის პოპულარიზაცია ახალგაზრდებში;
• უცხოურ სტუდენტურ ორგანიზაციებთან კავშირი საკლუბო დონეზე (მაგ. სამეცნიერო).

აღმოსავლეთ ევროპის უნივერსიტეტის კლუბის რეგისტრაციას, რეგისტრირებული კლუბის განვითარების მხარდაჭერას და გაუქმებას ახდენს კლუბების მხარდაჭერისა და განვითარების საბჭო

საბჭოს შემადგენლობაში შედიან აკადემიური კოლეგიის თავმჯდომარე, თითოეული ფაკულტეტის დეკანი, სამეცნიერო კვლევებისა და განვითარების დეპარტამენტის უფროსი; უწყვეტი განათლებისა და სტუდენტური სერვისების ცენტრის უფროსი;

საბჭოს ფუნქციები და ამოცანები:

• სტუდენტებში კლუბის ჩამოყალიბების სურვილის გაჩენა და მათ განვითარებაზე ზრუნვა;
• კლუბების შერჩევისა და შეფასების სქემის შედგენა და მისი განვითარება;
• კლუბების სწავლების/ტრენინგების განხორციელება, იდეების გენერირების ხელშეწყობა და მათი მოტივირება/წახალისებაზე ზრუნვა;
• კლუბების პრობლემების გამოვლენა და მათ აღმოფხვრაზე ზრუნვა;
• კლუბების განვითარების მიზნით სხვადასხვა კონსულტაციების გაწევა და მათი აქტივობების პოპულარიზაცია;
• კლუბის შექმნის შესახებ განაცხადების მიღება, წარმოდგენილი წინადადების განხილვა, მისი შერჩევა და კლუბისთვის სტატუსის მინიჭებაზე გადაწყვეტილების რექტორისთვის წარდგენა საბოლოო გადაწყვეტილების მიღების მიზნით.
• კლუბის მიერ განხორციელებული აქტივობების შესახებ ანგარიშის მიღება და მიმდინარეობის კონტროლი;
• კლუბებისთვის გამოყოფილი რესურსების მართვა და საჭიროების მიხედვით განაწილება;
• კლუბების მუშობის შესახებ ანგარიშის რექტორისთვის წარდგენა;
• ერთობლივი პროექტების სტიმულირება და თანამშრომლობითი ურთიერთობების განვითარება. ლ) კლუბის გაუქმების შესახებ გადაწყვეტილების მიღება და რექტორისთვის წარდგენა.

კლუბების მოტივაციის სქემა:

• კლუბი შეიძლება გახდეს ელიტ კლუბი, რომელიც ახორციელებს დიდ პროექტებს (მათ შორის კომპლექსურს – სხვა კლუბებთან ერთად) და აქვთ ვალდებულება გახდნენ მენტორები (დახმარება გაუწიონ ახალ კლუბებს).
• ყველაზე მაღალრეიტინგულ წლის კლუბს გადაეცემა გარდამავალი პრიზი (თასი, სკიპტრა…).
• ყველაზე გამორჩეული პროექტების განმახორციელებელ ავტორს/ავტორებს გადაეცემა მადლობის წერილი რექტორისგან.

კლუბის საქმიანობის შეფასება და რეიტინგების შედგენა ხდება საბჭოს მიერ დადგენილი შეფასების კრიტერიუმებით (იხ. სტუდენტური კლუბის დებულება).