აღმოსავლეთ ევროპის უნივერსიტეტის სტუდენტებისთვის, პაშა ბანკთან, რე|ბანკთან და AWORK-თან თანამშრომლობით, 10 ოქტომბერს, EEU-ს საკონფერენციო დარბაზში გაიმართა კარიერული ცნობიერების კურსი, რომლის მიზანი იყო სტუდენტებისთვის პროფესიული განვითარების, კარიერული დაგეგმვისა და დასაქმების შესაძლებლობების შესახებ ინფორმაციის მიწოდება.
შეხვედრის ფარგლებში სტუდენტებს საკუთარი გამოცდილება და რეკომენდაციები გაუზიარეს პაშა ბანკისა და რე|ბანკის ტალანტების მოზიდვისა და განვითარების განყოფილების და კომპანია AWORK-ის წარმომადგენლებმა.
სპიკერებმა სტუდენტებს გააცნეს პაშა ბანკის, რე|ბანკისა და AWORK-ის საქმიანობის ძირითადი მიმართულებები, ორგანიზაციებში არსებული პროფესიული განვითარების შესაძლებლობები და ის უნარები, რომლებიც განსაკუთრებით მნიშვნელოვანია თანამედროვე შრომით ბაზარზე წარმატების მისაღწევად.
კარიერული ცნობიერების კურსის ფარგლებში მონაწილეებმა მიიღეს ინფორმაცია შემდეგ საკითხებზე:
-
კარიერის დაგეგმვა და პროფესიული განვითარება;
-
ეფექტური რეზიუმეს (CV) შედგენა და LinkedIn პროფილის შექმნა;
-
პაშა ბანკში, რე|ბანკსა და AWORK-ში დასაქმებისა და კარიერული განვითარების შესაძლებლობები.
ღონისძიება ინტერაქტიულ ფორმატში წარიმართა და სტუდენტებს საშუალება ჰქონდათ აქტიურად ჩართულიყვნენ დისკუსიაში, დაესვათ კითხვები და მიეღოთ პრაქტიკული რეკომენდაციები კარიერული განვითარების შესახებ.
შეხვედრის დასასრულს სპიკერებმა აუდიტორიას კარიერული ცნობიერების თემაზე ინტელექტუალური ქვიზი შესთავაზეს, რომლის გამარჯვებულებს სიმბოლური საჩუქრები გადაეცათ.
ასევე, ღონისძიების ფარგლებში აღმოსავლეთ ევროპის უნივერსიტეტის სტუდენტებს სურვილის შემთხვევაში ჰქონდათ შესაძლებლობა შეევსოთ სააპლიკაციო ფორმა დასაქმების მიზნით.