ბიზნესისა და ინჟინერიის ფაკულტეტის საბჭოს წევრთა არჩევნები!

საბჭოს წევრი სტუდენტი შეიძლება გახდეს აქტიური სტატუსის მქონე ბიზნესისა და ინჟინერიის  ფაკულტეტის ნებისმიერი სტუდენტი.

ფაკულტეტის საბჭოს წევრობის მსურველი სტუდენტი რექტორის ბრძანებით განსაზღვრულ ვადაში დასაბუთებული განცხადებით მიმართავს საარჩევნო კომისიას მისი საბჭოს წევრობის კანდიდატად დარეგისტრირების თხოვნით.

ფაკულტეტის საბჭოში სტუდენტი წევრები კანდიდატთა სიიდან აირჩევიან სტუდენტთა თვითმმართველობის მიერ 2 წლის ვადით თავისუფალი და თანასწორი არჩევნების საფუძველზე, ფარული კენჭისყრით.

ფაკულტეტის საბჭოს წევრობის მსურველმა სტუდენტებმა დასაბუთებული განცხადებით (განცხადების ფორმა იხ. ბმულზე: ბიზნესისა და ინჟინერიის ) 2026 წლის 26 მარტიდან 2026 წლის 01 აპრილამდე უნდა მიმართონ უნივერსიტეტის საქმისწარმოების დეპარტამენტს ან გამოგზავნონ განცხადება ელექტრონული ფოსტის მისამართზე: info@eeu.edu.ge.

დადგენილი წესების შესაბამისად წარმოდგენილი კანდიდატების განცხადებას ფაკულტეტის საარჩევნო კომისია გადასცემს სტუდენტურ თვითმმართველობას, რომელიც თავისუფალი და თანასწორი არჩევნების საფუძველზე, ფარული კენჭისყრით ირჩევს  ფაკულტეტის საბჭოში სტუდენტ წევრებს.

სარეგისტრაციო ფორმის შევსებისას თქვენს მიერ მოწოდებული პერსონალური მონაცემები დამუშავდება უნივერსიტეტის მიერ, მხოლოდ ფაკულტეტის საბჭოს არჩევნების ჩატარების  ადმინისტრირებისა და მის საქმიანობასთან დაკავშირებული მიზნებისთვის.

მონაცემთა დამუშავება ხორციელდება საქართველოს მოქმედი კანონმდებლობის მოთხოვნათა დაცვით. თქვენი მონაცემები არ გადაეცემა მესამე პირებს კანონით განსაზღვრული საფუძვლის გარეშე და დაცული იქნება შესაბამისი ტექნიკური და ორგანიზაციული უსაფრთხოების ზომებით.

თქვენ გაქვთ პერსონალურ მონაცემთა დაცვის კანონმდებლობით გათვალისწინებული ყველა უფლება, მათ შორის მონაცემებზე წვდომის, გასწორების, წაშლისა და დამუშავების შეზღუდვის უფლება.

პერსონალური მონაცემების დამუშავებასთან/დაცვასთან დაკავშირებით კონსულტაციისთვის ან კითხვებით შეგიძლიათ მიმართოთ უნივერსიტეტის პერსონალურ მონაცემთა დაცვის ოფიცერს (info@dpo.ge).