წითელი ჯვრის საერთაშორისო კომიტეტის (ICRC) დელეგაცია საქართველოში აცხადებს სტუდენტური ესეების კონკურსს საერთაშორისო ჰუმანიტარული სამართლის თემაზე.
ინიციატივის მიზანია საერთაშორისო ჰუმანიტარული სამართლის სწავლებისა და კვლევის წახალისება, ასევე მისი ნორმების პატივისცემის მნიშვნელობის გაძლიერება სტუდენტებში.
კონკურსში მონაწილეობა შეუძლიათ სამართლისა და საერთაშორისო სამართლის საბაკალავრო და სამაგისტრო პროგრამების სტუდენტებს. მონაწილეებმა უნდა შეარჩიონ ერთ-ერთი შემოთავაზებული თემა, მათ შორის:
- ქვეითსაწინააღმდეგო ნაღმებისა და კასეტური იარაღის გამოყენების აკრძალვა;
- იძულებითი გაუჩინარების საკითხები საერთაშორისო სამართალში;
- ომის ტყვეთა და ინტერნირებულ პირთა დაცვა;
- ხელოვნური ინტელექტის გავლენა შეიარაღებულ კონფლიქტებზე.