აღმოსავლეთ ევროპის უნივერსიტეტმა (EEU) IX-XII კლასების მოსწავლეებისთვის ესეების კონკურსი გამართა.
პროექტის ფარგლებში, უფროსკლასელებმა უნივერსიტეტის კამპუსში, რეალურ საკონკურსო გარემოში, წინასწარ განსაზღვრულ თემებზე იმუშავეს და საკუთარი ხედვა სხვადასხვა აქტუალურ საკითხთან დაკავშირებით წარმოადგინეს.
კონკურსის მიმდინარეობისას მონაწილეებს შესაძლებლობა ჰქონდათ დაეთვალიერებინათ უნივერსიტეტის კამპუსი, შეხვედროდნენ აკადემიურ პერსონალსა და სხვადასხვა სფეროს წარმომადგენლებს.
საკონკურსო ნაშრომების შეფასების შემდეგ გაიმართა გამარჯვებულთა დაჯილდოების ცერემონია, სადაც კონკურსის საუკეთესო მონაწილეები გამოვლინდნენ. გამარჯვებულებს გადაეცათ აღმოსავლეთ ევროპის უნივერსიტეტის სასწავლო ვაუჩერები, სპეციალური პრიზები და სასაჩუქრე ბარათები.
აღმოსავლეთ ევროპის უნივერსიტეტი ულოცავს გამარჯვებულებს მიღწეულ წარმატებას და მადლობას უხდის კონკურსის ყველა მონაწილეს საინტერესო, შემოქმედებითი და ანალიტიკური ნაშრომებისთვის. უნივერსიტეტი მომავალშიც განაგრძობს ისეთი საგანმანათლებლო ინიციატივების განხორციელებას, რომლებიც ახალგაზრდებში კრიტიკული აზროვნების, აკადემიური წერისა და შემოქმედებითი უნარების განვითარებას უწყობს ხელს.