აღმოსავლეთ ევროპის უნივერსიტეტმა (EEU) ინტერაქციულ და საგანმანათლებლო დღეს უმასპინძლა.
პროექტის მთავარი მიზანი იყო, უფროსკლასელებს თეორიული ცოდნის მიღმა პრაქტიკულ გარემოში გამოეცადათ თავიანთი სასურველი მომავალი პროფესია.
სესიები ორ ძირითად, საინტერესო მიმართულებად წარიმართა:
- ტექნიკური მიმართულება – არქიტექტურა და მაკეტების შექმნა: მოსწავლეები გაეცნენ სივრცითი დაგეგმარების საფუძვლებს, ჩაერთვნენ არქიტექტურული მაკეტების შექმნის შემოქმედებით პროცესში და საკუთარი იდეები რეალურ მოდელებად აქციეს.
- ჰუმანიტარული მიმართულება – სამართალი: მონაწილეებმა მოირგეს იურისტის როლი, იმუშავეს რეალურ დავალებებზე და პრაქტიკული ქეისების განხილვის გზით პროფესიის სპეციფიკის ძირითადი ასპექტები მიმოიხილეს.
აღმოსავლეთ ევროპის უნივერსიტეტი მადლობას უხდის თითოეულ მოსწავლეს აქტიურობისა და მოტივაციისთვის!
