მიმდინარე წლის 27 მაისს, საქართველოს მთავარ პროკურატურაში ხელი მოეწერა ურთიერთთანამშომლობის მემორანდუმს აღმოსავლეთ ევროპის სასწავლო უნივერსიტეტსა და საქართველოს მთავარ პროკურატურას შორის. მემორანდუმს ხელი მოაწერეს საქართველოს მთავარი პროკურორის მოადგილემ ბატონმა გიორგი გოგაძემ და აღმოსავლეთ ევროპის სასწავლო უნივერსიტეტის რექტორმა ბატონმა დავით ჩერქეზიშვილმა. ხელმოწერის ცერემონიას ესწრებოდნენ აღმოსავლეთ ევროპის სასწავლო უნივერსიტეტის სტუდენტები (მაგისტრანტები). სტუდენტებს სიტყვით მიმართა საქართველოს მთავარი პროკურორის მოადგილემ ბატონმა გიორგი გოგაძემ, მან სტუდენტებს გააცნო და ესაუბრა მემორანდუმის პირობებისა და იმ პრივილეგიების შესახებ, რომელიც აღნიშნული მემორანდუმის ფარგლებში ექნებათ EEU-ს სტუდენტებს, მიულოცა მათ და მომავალი წარმატებები უსურვა. თავის მხრივ საქართველოს მთავარი პროკურატურის მისამართით მადლიერება გამოხატა აღმოსავლეთ ევროპის სასწავლო უნივერსიტეტის რექტორმა ბატონმა დავით ჩერქეზიშვილმა და აღნიშნა, რომ ძალზედ მნიშვნელოვანია, რომ აღნიშნული მემორანდუმის ფარგლებში EEU-ს იურიდიული ფაკულტეტის სტუდენტებს ექნებათ პრაქტიკების გავლის, პრაქტიკული გამოცდილების მიღების, დასაქმებისა და მომავალში პროფესიონალებად ჩამოყალიბების კონკრეტული პერსპექტივა
