დავით სიხარულიძე (პროფესორი)   

ეკონომიკის დოქტორი;
მიმართულება: საერთაშორისო ბიზნესის მენეჯმენტი;
სამეცნიერო კვლევებისა და განვითარების დეპარტამენტის უფროსი, EEU

დავით სიხარულიძე არის აღმოსავლეთ ევროპის უნივერსიტეტის სამეცნიერო კვლევებისა და განვითარების დეპარტამენტის უფროსი, სსიპ-განათლების ხარისხის განვითარების ეროვნული ცენტრის უმაღლესი განათლების პროგრამების აკრედიტაციისა და ავტორიზაციის ექსპერტი. წლებია აქტიურად ეწევა პედაგოგიურ და პროფესიულ საქმიანობას. არის საქართველოს პარლამენტის მოწვეული ექსპერტი ეკონომიკის მიმართულებით, საერთაშორისო ორგანიზაციის ,,International Alert” -ის ეკონომიკის ექსპერტი. სხვადასხვა დროს განათლება მიღებული აქვს კანზასის უნივერსიტეტში (აშშ), მეტროპოლიტანის სახელმწიფო უნივერსიტეტში (აშშ), ტარტუს უნივერსიტეტში (ესტონეთი).

დავით სიხარულიძე წლების განმავლობაში ეწევა აქტიურ სამეცნიერო-კვლევით საქმიანობას. არის 4 მონოგრაფიის და 4 სახელმძღვანელოს ავტორი და თანაავტორი, 20-ზე მეტი საერთაშორისო და ადგილობრივი სამეცნიერო პუბლიკაციის ავტორი, 20-მდე საერთაშორისო და ადგილობრივი კონფერენციის მომხსენებელი, არაერთი სამეცნიერო ვორკშოპის, სემინარის მონაწილე, სხვადასხვა საერთაშორისო და ადგილობრივ საგრანტო სამეცნიერო პროექტებში მიწვეული ექსპერტი/შემფასებელი, 30-მდე პროფესიული განვითარების საერთაშორისო ღონისძიების მონაწილე, სხვადასხვა საერთაშორისო და ადგილობრივი სამეცნიერო საგრანტო პროექტების მონაწილე და მკვლევარი.