სტუდენტის სტატუსის მოპოვება შესაძლებელია ერთიანი ეროვნული გამოცდების შედეგების საფუძველზე.
2. რას გულისხმობს ადმინისტრაციული რეგისტრაცია?
ადმინისტრაციული რეგისტრაცია გულისხმობს სტუდენტის მიერ სწავლის სემესტრული საფასურის დადგენილ ვადებში სრულად გადახდას.
3. ვის უნდა მიმართოს სტუდენტმა სწავლის საფასურის გადანაწილების შესახებ?
სწავლის საფასურის გადანაწილების თხოვნით სტუდენტმა განცხადებით უნდა მიმართოს რექტორს. დაკმაყოფილების შემთხვევაში ვალდებულია, დაიცვას ინდივიდუალური გრაფიკი.
4. რას გულისხმობს აკადემიური რეგისტრაცია?
აკადემიური რეგისტრაცია გულისხმობს სტუდენტის მიერ ელექტონული პორტალის საკუთარ გვერდზე შეთავაზებულ სასწავლო კურსებზე არჩევანის გაკეთებას ან ფაკულტეტის ადმინისტრაციის მიერ სტუდენტის სასწავლო ბაზაში სასწავლო კურსების დაფიქსირებას.
სტუდენტს, რომელსაც არ აქვს გავლილი ადმინისტრაციული რეგისტრაცია, არ აქვს აკადემიური რეგისტრაციის გავლის უფლება.
5. რა არის კრედიტი?
კრედიტი ასახავს სამუშაოს იმ რაოდენობას, რომელიც საჭიროა ამა თუ იმ კომპონენტის დასასრულებლად და სწავლის შედეგების მისაღწევად.
კრედიტის მოპოვება შესალებელია სტუდენტის მიერ მხოლოდ შესაბამისი სასწავლო კურსის სილაბუსით გათვალისწინებული სწავლის შედეგების მიღწევის შემდეგ.
6. რამდენი კრედიტის მოპოვების უფლება აქვს სტუდენტს ერთი წლის განმავლობაში?
სტუდენტის წლიური დატვირთვა შეადგენს 60 კრედიტს. საგანმანათლებლო პროგრამის ან/და სტუდენტის ინდივიდუალური სასწავლო პროგრამის თავისებურებების გათვალისწინებით, დასაშვებია სტუდენტის წლიური დატვირთვა აღემატებოდეს 60 კრედიტს ან იყოს 60 კრედიტზე ნაკლები, დაუშვებლია სტუდენტის წლიური დატვირთვა აღემატებოდეს 75 კრედიტს.
7. რა შემთხვევაში აქვს სტუდენტს დასკვნით გამოცდაზე გასვლის უფლება?
იხ. სასწავლო პროცესის მარეგულირებელი წესის მე-7 მუხლი: https://eeu.edu.ge/portfolio/studregulaciebi/
8. რა შემთხვევაში ეთვლება სტუდენტს დასკვნითი გამოცდა ჩაბარებულად?
იხ. სასწავლო პროცესის მარეგულირებელი წესის მე-7 მუხლი: https://eeu.edu.ge/portfolio/studregulaciebi/
9. რა შემთხვევაში აქვს სტუდენტს შუალედური/დასკვნითი გამოცდის აღდგენის უფლება?
სტუდენტს უფლება აქვს აღადგინოს შუალედური/დასკვნითი გამოცდა დოკუმენტურად დასაბუთებული საპატიო მიზეზის წარმოდგენის შემთხვევაში.
10. რა შემთხვევაში აქვს სტუდენტს დამატებით გამოცდაზე გასვლის უფლება?
სტუდენტს, რომელსაც შუალედური შეფასებისა და დასკვნითი გამოცდის შედეგების საფუძველზე მიღებული აქვს შეფასება (FX) ვერ ჩააბარა – 41-50 (ქულა) უფლება აქვს გავიდეს დამატებით გამოცდაზე იმავე სემესტრში.
11. რა შემთხვევაში რეგისტრირდება სტუდენტი დამატებით სემესტრში და როგორ იხდის სწავლის საფასურს?
სტუდენტს, რომელიც საგანმანათლებლო პროგრამით დადგენილ ვადებში ვერ ასრულებს პროგრამს და ვერ მოიპოვებს შესაბამის ხარისხს, უფლება აქვს მომდევნო ექვსი სემესტის მანძილზე თვითდაფინანსებით განაგრძოს სწავლა.
დამატებით სემესტრში რეგისტრირებული სტუდენის სწავლის საფასური განისაზღვრება მისი ინდივიდუალური საჭიროებიდან გამომდინარე, ასათვისებელი სასწავლო კურსების კრედიტების ღირებულების შესაბამისად. დამატებით სემესტრში დარეგისტრირების მოთხოვნით, სტუდენტმა განცხადებით უნდა მიმართოს რექტორს რეგისტრაციისათვის დადგენილ ვადებში.
12. როგორ შევიჩერო სტუდენტის სტატუსი?
შეჩერების საფუძველია ადმინისტრაციული რეგისტრაციის დადგენილ ვადებში გაუვლელობა, პირადი განცხადება, ჯანმრთელობის მდგომარეობა (დოკუმენტურად დადასტურებული), უცხო ქვეყანაში უმაღლეს საგანამანათლებლო დაწესებულებაში სწავლა, სტუდენტის მიმართ სისხლის სამართლის საქმის აღძვრა, გამამტყუნებელი განჩენის გამოტანამდე. მოქმედი კანონმდებლობითა და უნივერსიტეტის შიდა სამართლებრივი აქტებით გათვალისწინებული სხვა შემთხვევები.
სტუდენტმა განცხადებით უნდა მიმართოს ადმინისტრაციას სწავლის დაწყებიდან ხუთი კვირის განმავლობაში. ამ დროს ხდება სტუდენტსა და უნივერსიტეტს შორის არსებული მომსახურეობის ხელშეკრულების დროებით შეჩერება.
13. რა შემთხვევაში უწყდება სტუდენტს სტატუსი?
სტუდენტის სტატუსის შეწყვეტის საფუძველია: სტუდენტის სტატუსის შეჩერება 5 წელზე მეტი ვადით; დაწესებულებისთვის ყალბი დოკუმენტის ან არასწორი ინფორმაციის წარდგენა, სისხლის სამართლის საქმეზე გამამტყუნებელი განაჩენის კანონიერ ძალაში შესვლა; ეთიკის კოდექსის უხეში დარღვევა; საგანმანთლებლო პროგრამის დასრულება; მობილობით სხვა უსდ-ში გადასვლა; სწავლების დამატებითი ვადის ამოწურვა(აკადემიური ჩამორჩენა); გარდაცვალება.
14. როგორ უნდა მოითხოვოს სტუდენტმა ცნობა?
სტუდენტმა ცნობა უნდა მოითხოვოს სტუდენტთა ბაზიდან, კერძოდ, კორენსპონდენციის ველიდან.
15. რამდენ დღეში მზადდება ცნობა?
ცნობა მზად იქნება ორ სამუშაო დღეში.
16. სწავლის დასრულებიდან რამდენ ხანში გაიცემა ცნობა კვალიფიკაციის მინიჭების შესახებ?
ცნობა კვალიფიკაციის მინიჭების შესახებ გაიცემა კვალიფიკაციის მინიჭებიდან ერთი კვირის ვადაში.