კვლევის სტრატეგია და ანგარიშები

სამეცნიერო-კვლევითი საქმიანობის მისია:

•  აღმოსავლეთ ევროპის უნივერსიტეტის სამეცნიერო-კვლევითი საქმიანობის მისიას წარმოადგენს უნივერსიტეტის როგორც კვლევებზე ორიენტირებული ინსტიტუციის ჩამოყალიბება, რომელიც ახორციელებს სამეცნიერო-კვლევითი პრიორიტეტების შესაბამის კვლევებს, უზრუნველყოფს კვლევითი პოტენციალის განვითარებასა და კვლევის შედეგების საგანმანათლებლო პროცესში ინტეგრირებას კვლევითი საქმიანობის წახალისების, მხარდაჭერისა და პარტნიორ ორგანიზაციებთან თანამშრომლობით გზით.

ჩვენი ხედვა:

აღმოსავლეთ ევროპის უნივერსიტეტი საერთაშორისო დონეზე აღიარებული იქნას, როგორც ევროპულ საგანმანათლებლო სივრცეში ინტეგრირებული და კვლევაზე ორიენტირებული ინსტიტუცია, რისთვისაც:

• ახალისებს აკადემიურ პერსონალს, მათ შორის ახალგაზრდა მკვლევარებს, ახალი ცოდნისა და მაღალი ხარისხის სამეცნიერო პუბლიკაციების შექმნისთვის, აგრეთვე მხარს უჭერს მათ კვლევითი პოტენციალის განვითარებას;

• ავითარებს კვლევითი ეთიკის კულტურას და ხელს უწყობს ფუნდამენტური, გამოყენებითი და ინტერდისციპლინური კვლევების განხორციელებას;

• ახორციელებს კვლევის შედეგების ინტეგრირებას საგანმანათლებლო პროცესში;

• უზრუნველყოფს სტუდენტებში სამეცნიერო-კვლევითი საქმიანობის პოპულარიზაციას და მათ ჩართულობას;

• თანამშრომლობს საერთაშორისო და ადგილობრივ სამეცნიერო-კვლევით დაწესებულებებთან და ორგანიზაციებთან კვლევითი პროექტების განხორცილების მიზნით;

• უზრუნველყოფს საზოგადოების კეთილდღეობისთვის სამეცნიერო-კვლევითი საქმიანობით მიღებული შედეგების გამოყენებას;

• ოპტიმალურად და ეფექტიანად იყენებს ინტელექტუალურ, ფინანსურ და მატერიალურ რესურსებს ხარისხიანი კვლევების გასავითარებლად.

 ღირებულებები, რომლებსაც ჩვენი კვლევა ეფუძნება:

ჩართულობა (ინკლუზიურობა), თანასწორობა, ინოვაციურობა, აკადემიური თავისუფლება, სარგებლიანობა, კეთილსინდისიერება, თანამშრომლობა

• ჩართულობა (ინკლუზიურობა) – ჩვენი კვლევა ორიენტირებულია საზოგადოებრივ პრობლემებზე და ითვალისწინებს მათს ინტერესებს. კვლევას ვახორციელებთ პერსონალისა და სტუდენტების ჩართულობით და საზოგადოებასთან აქტიური ურთიერთქმედებით, მიუხედავად მათი ეთნიკური, რელიგიური, სოციალური და კულტურული მრავალფეროვნებისა. ჩვენთვის ,,კვლევის სუბიექტები’’ კვლევის პარტნიორები არიან..

• თანასწორობა – ჩვენი კვლევითი საქმიანობა თანასწორობის პრინციპისადმი ურყევი ერთგულებითაა განმსჭვალული, რითაც უზრუნველვყოფთ კვლევების განხორციელების პროცესში მონაწილეთა სრულფასოვან სუბიექტებად (პარტნიორებად) ჩართულობას და აკადემიური მიუკერძოებლობის შენარჩუნებას.

• ინოვაციურობა – ჩვენი კვლევა ახალი ცოდნის შექმნასა და მის გავრცელებაზეა ორიენტირებული. მეცნიერული სიახლეების დანერგვით ხელს ვუწყობთ საზოგადოების სოციალურ-კულტურულ პროგრესს.

• აკადემიური თავისუფლება – კვლევას ახორციელებენ მკვლევრები, რომლებიც თავად განსაზღვრავენ კვლევის მიზნებსა და ამოცანებს. აკადემიური თავისუფლების პრინციპისადმი მტკიცე ერთგულებით გამოვხატავთ იმ მთავარი ღირებულებისადმი პატივისცემას, რომელიც საუნივერსიტეტო ცხოვრების თანამგზავრია.

• სარგებლიანობა – ჩვენი კვლევა ორიენტირებულია ისეთ შედეგებზე, რომლებიც სასარგებლო იქნება ფართო საზოგადოებისათვის, მათ შორის უნივერსიტეტის სტუდენტებისთვის, პერსონალისთვის და ხელს შეუწყობს მათ მდგრად განვითარებას.

• კეთილსინდისიერება – ჩვენი კვლევა კეთილსინდისიერების პრინციპების განუხრელ დაცვას ეფუძნება. საკვანძო მნიშვნელობას ვანიჭებთ საუნივერსიტეტო კვლევების ეთიკური სტანდარტების დაცვით განხორციელებას, კვლევის ეთიკის ფუნდამენტური პრინციპების განვითარებასა და განმტკიცებას.

• თანამშრომლობა – ჩვენი პრიორიტეტია კვლევები განვახორციელოთ ადგილობრივ და საერთაშორისო პარტნიორებთან მჭიდრო თანამშრომლობით. სამეცნიერო-კვლევით ინსტიტუციებთან და გამოცდილ მკვლევარებთან პარტნიორობით ჩვენ ორიენტირებულნი ვართ გამორჩეული ხარისხის მქონე მეცნიერული პროდუქციის შექმნაზე.