მარინა ქავთარაძე (ასოცირებული პროფესორი)    

ენათმეცნიერების დოქტორი;

 

მარინა ქავთარაძე  არის ი. ჭავჭავაძის სახელობის თბილისის უცხო ენათა სახელმწიფო პედაგოგიური ინსტიტუტის ინგლისურ ენის ფაკულტეტის და მორის ტორეზის სახელობის მოსკოვის სახელმწიფო ინსტიტუტის ასპირანტურის განყოფილების კურსდამთავრებული (მიმართულება: გერმანიკული ენები, ზოგადი ენათმეცნიერება, სოციოლინგვისტიკა, ფსიქოლინგვისტიკა). მონაწილეობდა მასწავლებელთა კვალიფიკაციის ასამაღლებელ სამთვიან კურსებში სარეის უნივერსიტეტში ახალგაზრდა მასწავლებელთა გაცვლითი პროგრამის ფორმატით (ქ. გილფორდი, დიდი ბრიტანეთი).

მარინა ქავთარაძეს აქვს უმაღლეს სასწავლებლებში ინგლისური ენის სწავლების 30 წელზე მეტი სამუშაო გამოცდილება, არის არაერთი სამეცნიერო ნაშრომის ავტორი. ჩაბარებული აქვს ინგლისური ენის მასწავლებლების საერთაშორისო გამოცდები, არის University of Cambridge ESOL Examinations/TKT-ის სამი მოდულის სერთიფიკატის, ორეგონის და კალიფორნიის (ირვაინი) უნივერსიტეტების ბაზაზე Coursera-ს ფორმატში განხორციელებული ონლაინ კურსების სერთიფიკატების მფლობელი, სხვადასხვა სამეცნიერო კონფერენციის, სემინარის, ვორქშოპის, ტრენინგისა და კურსის მონაწილე.