მიხეილ თოქმაზიშვილი (პროფესორი)    

ეკონომიკის მეცნიერებათა დოქტორი;
მიმართულება: ბიზნეს ადმინისტრირება;
ბიზნესისა და ინჟინერიის ფაკულტეტის საბჭოს წევრი.

მიხეილ თოქმაზიშვილი არის აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის საბჭოს წევრი. მას აქვს მრავალწლიანი პედაგოგიური და პროფესიული გამოცდილება. გასულ წლებში იყო საქართველოს პარლამენტის საბიუჯეტო ოფისის მაკროეკონომიკის განყოფილების ხელმძღვანელი, საქართველოს ეროვნული ბანკის მმართველი საბჭოს წევრი, “Сase Transcaucausus” ექსპერტი, მსოფლიო ბანკის პროგრამის ხელმძღვანელი საქართველოში, ადგილობრივი და  საერთაშორისო ორგანიზაციების ექსპერტი და მკვლევარი, მათ შორის საქართველოს პ. გუგუშვილის სახ. ეკონომიკის ინსტიტუტში.

მიხეილ თოქმაზიშვილი აქტიურად ახორციელებს სამეცნიერო-კვლევით საქმიანობას, არის არაერთი ადგილობრივი და საერთაშორისო სამეცნიერო კონფერენციისა და პროექტის  მონაწილე, ავტორია ბიზნესის მართვის, ეკონომიკური პოლიტიკის, საქართველოს ეკონომიკის, მაკროეკონომიკის, საერთაშორისო ეკონომიკის, ფინანსებისა და სოციალური რეფორმების სფეროებში 150-ზე მეტი ნაშრომის, რომლებიც გამოქვეყნებულია საქართველოში, აშშ-ში, ინგლისში, პოლონეთში, შვეციაში, აზერბაიჯანში, ბელგიაში, ლიტვაში, თურქეთში, რუსეთსა და უკრაინაში.