მარინე ჩაგელიშვილი-ურუმაშვილი არის აღმოსავლეთ ევროპის უნივერსიტეტის განათლების დეპარტამენტის ქვესტრუქტურული ერთეულის – ენებისა და აკადემიური უნარების განვითარების ცენტრის უფროსი. იგი პასუხისმგებელია ცენტრის საქმიანობის ეფექტიანად წარმართვაზე.
მარინე ჩაგელიშვილ-ურუმაშვილ არის EEU-ს აფილირებული პროფესორი, პედაგოგიურ მეცნიერებათა დოქტორი. მას გააჩნია პედაგოგიურ სფეროში მოღვაწეობის 30-წლიანი გამოცდილება. გასულ წლებში იყო პედაგოგთა დახელოვნების და გადამზადების რესპუბლიკური ინსტიტუტის უფროსი მეთოდისტი და უცხოური ენების სწავლების მეთოდიკის კათედრის პროგრამის ხელმძღვანელი. ამავე დროს არის ზოგადი, ბიზნეს და იურიდიული ინგლისური ენის პედაგოგი, CELTA–ს პროგრამის მონაწილე (ინგლისი) და სერტიფიცირებული ხარისხის მფლობელი, ტრენერი პროექტში „წერისა და კითხვის სწავლება კრიტიკული აზროვნების განვითარებისათვის“
მარინე ჩაგელიშვილი-ურუმაშვილი აქტიურად ეწევა სამეცნიერო-კვლევით საქმიანობას. არის მასწავლებელთა გადამზადების პროგრამის ავტორი (ინგლისური ენის სწავლების უახლესი მეთოდები და მიდგომები), 10-ზე მეტი სამეცნიერო ნაშრომის ავტორი, არაერთი საერთაშორისო და ადგილობრივი კონფერენციის, სემინარის, ვორკშოპის მონაწილე და მომხსენებელი,
გიორგი თათანაშვილი არის EEU-ს განათლების კვლევებისა და ადმინისტრირების სამაგისტრო პროგრამის კურსდამთავრებული. ამჟამად აღმოსავლეთ ევროპის უნივერსიტეტში დასაქმებულია ჯანდაცვის მეცნიერებათა ფაკულტეტის საგანმანათლებლო პროგრამების კოორდინატორის პოზიციაზე და მოწვეულია ენებისა და აკადემიური უნარების განვთარების ცენტრში მენტორად. მას აქვს საერთაშორისო საგანმანათლებლო გაცვლით პროგრამაში ‘ერასმუს +’ მონაწილეობის გამოცდილება, რომლის ფარგლებშიც სწავლობდა ზემო ავსტრიის განათლების უნივერსიტეტში. გარდა ამისა, გიორგი თათანაშვილი იკავებს მოწვეული ლექტორის თანამდებობას ჯანდაცვის მეცნირებათა ფაკულტეტზე (EEU) და უძღვება სასწავლო კურსს სახელწოდებით: “აკადემიური სწავლის უნარები” მედიცინის ერთსაფეხურიან (ინგლისურენოვან) პროგრამაზე.
ეკატერინე ბენიაშვილი არის აღმოსავლეთ ევროპის უნივერსიტეტის განათლების კვლევებისა და ადმინისტრირების სამაგისტრო პროგრამის კურსდამთავრებული. 
ელენე ზურაბიშვილი არის EEU-ს განათლების მეცნიერებების ინგლისურენოვანი სადოქტორო პროგრამის დოქტორანტი, ასისტენტ-პროფესორი და EEU-ს კლინიკური და პრაქტიკული უნარ-ჩვევების განვითარების ცენტრის ხელმძღვანელი. ამასთანავე 2019 წლიდან ეწევა კლინიკურ პრაქტიკას ექიმი ენდოკრინოლოგის სპეციალობით.