პოლ გიბსი (პროფესორი)    

ფილოსოფიის დოქტორი;
მიმართულება: განათლების მეცნიერებები;
სადოქტორო და უმაღლესი განათლების კვლევების განვითარების ცენტრის დირექტორი, EEU

პოლ გიბსი არის აღმოსავლეთ ევროპის უნივერსიტეტის სადოქტორო და უმაღლესი განათლების კვლევების განვითარების ცენტრის დირექტორი. მას აქვს მრავალწლიანი პროფესიული და პედაგოგიური გამოცდილება. არის  მიდელსექსის უნივერსიტეტის ემერიტუსი პროფესორი და განათლების კვლევებისა და სტიპენდიების ცენტრის დამაარსებელი. ასევე, არის სიდნეის უნივერსიტეტის (UTS ) და კემბრიჯის უნივერსიტეტის (UK) მოწვეული პროფესორი, კვლევითი ინსტიტუტის ATLAS R&B-ის  (TEXAS, USA) და New College Oxford-ის  უმაღლესი განათლების პოლიტიკის ცენტრის მეცნიერ-თანამშრომელი, პედაგოგი და მკვლევარი.  აქვს ტრანსდისციპლინური ცნებების სოციალურ რეალიზმთან და ჰაიდეგერულ ჰერმენევტიკასთან  სწავლების გამოცდილება და ჰყავს ოცდაათზე მეტი წარმატებული დოქტორანტი.

პოლ გიბსს აქვს მრავალწლიანი სამეცნიერო-კვლევითი საქმიანობის გამოცდილება, ის არის მსოფლიოში ერთ-ერთ ცნობილი მეცნიერი და სპეციალისტი განათლების ფილოსოფიის მიმართულებით. მისი ავტორობით გამოცემულია ოცი წიგნი სხვადასხვა საკითხებზე, რომლებიც მოიცავს უმაღლესი განათლების მარკეტინგის, პროფესიული განათლებისა და უმაღლესი განათლების სხვადასხვა საკითხებს.  ამავე დროს, ის არის 110-ზე მეტი საერთაშორისო სამეცნიერო პუბლიკაციის ავტორი და განათლების ძირითადი მოაზროვნეების შესახებ საერთაშორისო სამეცნიერო გამოცემების SpringerBriefs-ის  სერიის რედაქტორი. ასევე, აღმოსავლეთ ევროპის უნივერსიტეტის სამეცნიერო ჟურნალის ,,სამეცნიერო შრომების კრებულის” სარედაქციო კოლეგიის წევრი. ტრანსდისციპლინურობისადმი მისი განსაკუთრებული მიდგომა დამყარებულია ჰაიდეგერის, დუნს სკოტუსის და დელიოზის ნაშრომებსა და ბასარაბ ნიკოლასკუს თეორიულ მსჯელობებზე.