სტიპენდია განკუთვნილია მკვლევარებისთვის განვითარებადი ქვეყნებიდან, რომლებსაც სურთ, განახორციელონ კვლევა (6 თვიდან 24 თვის ვადით) გერმანულ სამეცნიერო ინსტიტუტში მასპინძელ მეცნიერთან ერთად და წვლილი შეიტანონ საკუთარი ქვეყნის ან/და რეგიონის განვითარებაში, ან მოახდინონ ცოდნისა და მეთოდების გაზიარება გერმანიასა და საკუთარ ქვეყანას შორის.
ჰუმბოლდტის ფონდი პოსტდოქტორანტ მკვლევარებს, რომლებმაც დოქტორანტურა დაამთავრეს, განაცხადის წარდგენამდე ბოლო 4 წლის განმავლობაში, სთავაზობს:
- სტიპენდიას 2650 ევროს თვეში, ხოლო გამოცდილ მკვლევარებს 3150 ევროს.
- უზრუნველყოფს ინდივიდუალურ ხელმძღვანელობას სტიპენდიის პერიოდში;
- გერმანული ენის ინტენსიურ კურსს მკვლევარისა და მისი მეუღლისთვის Fellowship-ის დაწყებამდე;
- დამატებით ფინანსურ მხარდაჭერას ოჯახის თანმხლები წევრებისთვის და ალუმნის სტიპენდიას კვლევის დასრულების შემდეგ, რომელიც შეიძლება იყოს საკუთარ ქვეყანაში დაბრუნების ფელოუშიპი ან გერმანიაში ყოფნის გახანგრძლივება.
დამატებითი ინფორმაციისთვის იხილეთ ბმული: https://www.humboldt-foundation.de/web/georg-forster-fellowship.html