სამართლის ბაკალავრი
ანა ჭოლოკავა 2014-2018 წლებში სწავლობდა აღმოსავლეთ ევროპის უნივერსიტეტში და წარმატებით დაასრულა სამართლის საბაკალავრო პროგრამა.
ანა ჭოლოკავა 2015-2016 წლებში მუშაობდა აღმოსავლეთ ევროპის უნივერსიტეტის სასწავლო პროცესის მართვის დეპარტამენტის სპეციალისტის პოზიციაზე. გავლილი აქვს სტაჟირება თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიაში.
ანა ჭოლოკავა სწავლის პერიოდში აქტიურად იყო ჩართული საუნივერსიტეტო ცხოვრებაში და მონაწილეობდა კონფერენციებში, ტრენინგებსა თუ პროექტებში. ის ასევე იყო უნივერსიტეტში გამართული არაერთი პროექტის ორგანიზატორი. ანა 2014-2016 წლებში იყო აღმოსავლეთ ევროპის უნივერსიტეტის სტუდენტური თვითმმართველობის კულტურის დეპარტამენტის პრეზიდენტი. მას ჰქონდა იმიტირებული პროცესები თბილისის საქალაქო სასამართლოსა და თბილისის სააპელაციო სასამართლოში. ანას მონაწილეობას აქვს მიღებული ისეთ პროექტებსა თუ კონფერენციებში, როგორებიცაა: ,,ინფორმირებული ახალგაზრდა ამომრჩეველი“, ,,ჩრდილოატლანტიკური საბჭო საქართველოში“, ,,ქართულ-გერმანული სამართლის დიალოგი“, ასევე იუსტიციის სასწავლო ცენტრის მიერ ჩატარებული სახვადასხვა კონფერენციები. ის გახლავთ სტუდენტურ პროექტის – ,,იდეა დეველოპერის“ გამარჯვებული. 2017 წელს ანამ მონაწილეობა მიიღო იმიტირებულ საპარლამენტო კომიტეტის სხდომებში, სადაც მოიპოვა მეორე ადგილი. 2018 წელს ჟურნალ ავტორ©რატიაში გამოქვეყნდა მისი სტატია თემაზე – ,,საავტორო არაქონებრივი უფლებების დაცვა საქართველოში“. 2019 წლიდან დღემდე ანა იღებს განათლებას გერმანიაში.