განათლების კვლევების და ადმინისტრირების მაგისტრი
ანი ყველაშვილი 2018-2020 წლებში სწავლობდა აღმოსავლეთ ევროპის უნივერსიტეტში, სადაც წარჩინებით დაასრულა განათლების კვლევებისა და ადმინისტრირების სამაგისტრო პროგრამა. 2016 წლიდან მუშაობდა უმაღლეს საგანმანათლებლო დაწესებულებაში (NEWUNI) ხელმძღვანელ პოზიციაზე და ახლა კი არის აღმოსავლეთ ევროპის უნივერსიტეტის განათლების მეცნიერებების ფაკულტეტის მენეჯერი;
ანი ყველაშვილი სწავლის პერიოდში აქტიურად იყო ჩართული საუნივერსიტეტო სტუდენტურ აქტივობებში. სხვადასხვა პერიოდში სასწავლო ვიზიტით იმყოფებოდა ბოლონიის უნივერსიტეტში (იტალია), ქ. ლარნაკას Central Lancashire UCLan უნივერსიტეტში (კვიპროსი), ვენის Modul უნივერსიტეტში (ავსტრია). მონაწილეობა აქვს მიღებული როგორც საერთაშორისო, ისე ადგილობრივ სემინარებში, ტრენინგებსა და კონფერენციებში: “უმაღლესი საგანმანათლებლო დაწესებულებების ავტორიზაციის განახლებული სტანდარტები”, „ტექნოლოგიებზე დაფუძნებული აქტიური სწავლება“, HARVARD MEDICAL SCHOOL-ის მიერ ორგანიზებულ სემინარში „COVID-19: მოსაზრებები და სიახლეები“ და სხვა. Სწავლის პერიოდშივე იგი ჩაერთო საქართველოს სტუდენტური პარლამენტის სტაჟირების პროგრამაში და გადის სტაჟირებას განათლების მეცნიერებისა და კულტურის კომიტეტში.
ანი ყველაშვილის კვლევის ინტერესს წარმოადგენს სტუდენტთა მხარდამჭერი სერვისები, რაზეც წარმატებით დაიცვა სამაგისტრო ნაშრომი და სწორედ აღნიშნულ საკითხზე აქტიურად აგრძელებს კვლევებს. ძალიან მალე შეგიძლიათ წაიკითხოთ მისი სტატია საერთაშორისო სამეცნიერო რეფერირებად ჟურნალში თემაზე: “სტუდენტთა მხარდამჭერი სერვისები, როგორც ხარისხის შიდა უზრუნველყოფის ერთ-ერთი ფაქტორი”.