2018 წლის 25 ოქტომბერს აღმოსავლეთ ევროპის უნივერსიტეტსა (EEU) და აღსრულების ეროვნულ ბიუროს შორის ურთიერთთანამშრომლობის მემორანდუმი გაფორმდა!
მემორანდუმის ფარგლებში, უნივერსიტეტის იურიდიული ფაკულტეტის მაგისტრანტებს ეძლევათ საშუალება, სამაგისტრო პროგრამების ფარგლებში გათვალისწინებული პრაქტიკული სასწავლო კურსი ,,იურიდიული კლინიკა” ერთი სემესტრის განმავლობაში გაიარონ აღსრულების ეროვნულ ბიუროში.
მემორანდუმის მიზანია უნივერსიტეტის მაგისტრატურის სტუდენტებისთვის პროფესიული უნარ-ჩვევების განვითარება; მათი ბიუროს მუშაობაში მაქსიმალური ჩართვა; აღსრულების სამართლის სწავლების ინტერესის დანერგვა;
აღსრულების ეროვნული ბიუროსთან თანამშრომლობა ასევე ითვალისწინებს იურიდიული ფაკულტეტის სტუდენტებისთვის აღსრულების სამართლის ზოგადი კურსის შესახებ ტრენინგების ჩატარებას.
ურთიერთთანამშრომლობის შესახებ მემორანდუმს ხელი მოაწერეს აღსრულების ეროვნული ბიუროს თავმჯდომარემ, იოსებ ბაღათურიამ და აღმოსავლეთ ევროპის უნივერსიტეტის რექტორმა, დავით ჩერქეზიშვილმა. მემორანდუმის ხელმოწერას აღმოსავლეთ ევროპის უნივერსიტეტის იურიდიული ფაკულტეტის დეკანი, პროფესორი ზვიად როგავა და აღსრულების ეროვნული ბიუროს თანამშრომლები ესწრებოდნენ.