International Excellence Scholarship Program (IES) არის სტიპენდიის პროგრამა, რომელიც სტუდენტებს საშუალებას აძლევს ერთი სემესტრი გაატარონ ბერლინში, გაიღრმავონ ცოდნა გერმანიის წამყვან უნივერსიტეტებში და ასევე, 6 თვის განმავლობაში იცხოვრონ გერმანულენოვან მასპინძლებთან, რაც საშუალებას მისცემთ მათ უფრო ახლოს გაეცნონ გერმანულ კულტურას.
სტიპენდიის მფლობელები სწავლას განაგრძობენ ბერლინის თავისუფალ ან ჰუმბოლტის უნივერსიტეტებში. სასწავლო პროგრამა მოიცავს მხოლოდ 1 სემესტრს.
- ზამთრის სემესტრისთვის, საბუთების მიღების ვადაა 1-ლი ოქტომბრიდან 15 დეკემბრის ჩათვლით.
- ზაფხულის სემესტრისთვის, საბუთების მიღების ვადაა 1-ლი აპრილიდან 15 ივნისის ჩათვლით.
ორივე უნივერსიტეტი გთავაზობთ სხვადასხვა საინტერესო კურსებს. დამატებითი ინფორმაციისთვის იხილეთ ბმულები:
- https://www.fu-berlin.de/vv/de/fb
- https://agnes.hu-berlin.de/lupo/rds?state=wtree&search=1&category=veranstaltung.browse&navigationPosition=functions%2Clectureindex&breadcrumb=lectureindex&topitem=functions&subitem=lectureindex
ძირითადი მოთხოვნები:
- სტუდენტი უნდა იყოს ქვემოთ ჩამოთვლილი ქვეყნებიდან ერთ-ერთის მოქალაქე: ალბანეთი, სომხეთი, აზერბაიჯანი, ბელორუსია, ბოსნია და ჰერცეგოვინა, საქართველო, ყაზახეთი, ყირგიზეთი, კოსოვო, მოლდოვა, მონღოლეთი, მონტენეგრო, ჩრდილოეთ მაკედონია, რუსეთი, სერბეთი, ტაჯიკეთი, თურქმენეთი, თურქეთი, უკრაინა, უზბეკეთი.
- განაცხადის გაკეთება შეუძლია როგორც ბაკალავრიატის, ასევე მაგისტრატურისა და დოქტორანტურის სტუდენტებს.
- განმცხადებლის ასაკი არ უნდა აღემატებოდეს 28 წელს.
- გერმანული ენის დამადასტურებელი სერთიფიკატი (B2 ან C1)
- დადასტურებული ექსტრაკურიკულარული საქმიანობები.
დამატებითი ინფორმაციისთვის იხილეთ ბმული: https://en.copernicusberlin.de/ies