აღმოსავლეთ ევროპის უნივერსიტეტში „სამართლის ფილოსოფიის“ ქართული თარგმანის წარდგინება გაიმართა, რომელიც დავით ბატონიშვილის სამართლის ინსტიტუტისა და აღმოსავლეთ ევროპის უნივერსიტეტის ერთობლივი გამოცემაა..
შეხვედრას EEU-ს რექტორი დავით ჩერქეზიშვილი, დავით ბატონიშვილის სამართლის ინსტიტუტის პრეზიდენტი დიმიტრი გეგენავა, წიგნის მთარგმნელები და სტუდენტები ესწრებოდნენ.
წიგნი წარადგინა თარგმანის სამეცნიერო რედაქტორმა დიმიტრი გეგენავამ, რომელიც სტუდენტებს გამოცემის შინაარსა და მნიშვნელობაზე ესაუბრა.
ევგენი აფონასინისა და ანტონ დიდიკინის „სამართლის ფილოსოფია“ ქართულ ენაზე აღმოსავლეთ ევროპის უნივერსიტეტის სამართლის სამაგისტრო პროგრამის ფარგლებში ითარგმნა. წიგნის თარგმანზე მუშაობდნენ: თამუნა მამულაშვილი, თამარ ზარქუა, თამარ სეხნიაშვილი, ლიანა გიორგაძე და ლინდა გიორგაძე.
აღმოსავლეთ ევროპის უნივერსიტეტის რექტორმა, დავით ჩერქეზიშვილმა მიულოცა თარგმანის ავტორებს გაწეული შრომის წარმატებით დასრულება და აღნიშნა, რომ აღმოსვლეთ ევროპის უნივერსიტეტის და დავით ბატონიშვილის ინსტიტუტს შორის თანამშრომლობა წლებია გრძელდება, ამ ხნის მანძილზე გამოიცა არაერთი სახელმძღვანელო, სამეცნიერო ჟურნალი, გაიმართა რამდენიმე სამეცნიერო კონფერენცია და გამოთქვა იმედი, რომ მომავალში კიდევ უფრო ნაყოფიერი იქნება აღნიშნული თანამშრომლობა.
პრეზენტაციის ბოლოს სტუდენტებს საჩუქრად გადაეცათ წიგნები.
