2018 წლის 5 დეკემბერს, აღმოსავლეთ ევროპის უნივერსიტეტში გაიმართა უნგრეთის მთავრობის მიერ დაფინანსებული გაცვლითი პროგრამის „Stipendium Hungaricum“-ის პრეზენტაცია, რომელსაც უძღვებოდა უნგრეთის კონსული საქართველოში ქ-ნი ანიკო ფარკასი.
პრეზენტაციის ფარგლებში აღმოსავლეთ ევროპის უნივერსიტეტის სტუდენტები გაეცნენ ინფორმაციას უნგრეთის უნივერსიტეტებში სწავლების სამივე საფეხურზე (BA, MA, Ph.D.) სწავლისა და დაფინანსების შესაძლებლობების თაობაზე.
პრეზენტაცია გაიმართა პროექტ “გემოვანის” ორგანიზებით, რომელიც ემსახურება ქართული გენეტიკის აგრო-სასურსათო პროდუქტების წარმოებას და რეალიზაციას, როგორც ქვეყანაში, ასევე მის ფარგლებს გარეთ. გამომდინარე აქედან პროექტი დაინტერესებულია სტუდენტებს ხელი შეუწყოს სწავლაში განსაკუთრებით აგრო მიმართულებით, მომავალში შესაძლო თანამშრომლობის პერსპექტივით.
პრეზენტაცია იხილეთ ბმულზე: https://goo.gl/em193Y
