საქართველოს იუსტიციის სასწავლო ცენტრი და აკადემიკოს ლევან ალექსიძის სახელობის ფონდი, აღმოსავლეთ-დასავლეთ მართვის ინსტიტუტის „კანონის უზენაესობის მხარდაჭერა საქართველოში“ (PROLoG) პროგრამის მხარდაჭერით, ახორციელებს ოჯახში და ქალთა მიმართ ძალადობის საკითხებზე იმიტირებულ სასამართლო პროცესს.
იმიტირებულ სასამართლო პროცესში მონაწილეობის მიღება შეუძლია ყველა ფაკულტეტის სტუდენტს. ერთი უნივერსიტეტიდან შესაძლებელია რეგისტრაცია გაიაროს 3 და არაუმეტეს 5 სტუდენტისგან შემდგარმა ერთმა გუნდმა, თუმცა ერთ გუნდში ვერ იქნებიან სხვადასხვა უნივერსიტეტის წარმომადგენელი სტუდენტები.
იმიტირებული სასამართლო პროცესის ტურნირი შედგება 2 ეტაპისგან − წერითი და ზეპირი რაუნდები.
იმიტირებული სასამართლო პროცესის ტურნირის დასკვნითი (ზეპირი) რაუნდი გაიმართება დისტანციურად 2020 წლის 28-29 ნოემბერს.
მონაწილეობის მსურველმა გუნდმა რეგისტრაციისათვის უნდა ჩამოტვირთოს აპლიკაციის ელექტრონული ფორმა: https://eeu.edu.ge/wp-content/uploads/2020/11/aplikaciis_eleqtronuli_forma_1-1.docx და მიჰყვეს ბმულზე მოცემულ ინსტრუქციას: https://bit.ly/3kUni8Q.
რეგისტრაციის ბოლო ვადაა 2020 წლის 5 ნოემბერი, 18.00 საათი.
დამატებითი ინფორმაციისთვის იხილეთ ბმული: http://www.tcj.gov.ge/ka/news/546/